ମୁମ୍ବାଇ: ବର୍ତ୍ତମାନ ବିଶ୍ବରେ ବ୍ୟାପିଥିବା କୋରୋନା ଭାଇରସ ଭୟରେ ଅନେକ କଳାକାର ନିଜକୁ ଆଇସୋଲେସନରେ ରଖିସାରିଛନ୍ତି। ନିକଟରେ ଏପରି ନିଷ୍ପତ୍ତି ନେଇ ଚର୍ଚ୍ଚାରେ ଆସିଥିଲେ ବିଶିଷ୍ଟ ଅଭିନେତ୍ରୀ ଶବାନା ଆଜମୀ। ଆଉ ଏବେ ସେ ଏକ ଟ୍ବିଟକୁ ନେଇ ପୁଣି ଚର୍ଚ୍ଚାରେ।
ସେ ଟ୍ବିଟରରେ ସ୍ବାମୀ ତଥା ଫେମସ ଲେଖକ ଜାଭେଦ ଅଖତରଙ୍କ ଏକ ଫଟୋ ସେୟାର କରି ଘରେ ଦୁଇଜଣ କିପରି ପୃଥକ ପୃଥକ ରହୁଛନ୍ତି ଫ୍ୟାନ୍ସଙ୍କୁ ଜଣାଇଛନ୍ତି। ଏହାସହ ସେ ଗତକାଲି ଜନତା କର୍ଫ୍ୟୁର ସମର୍ଥନ କରି ସନ୍ଧ୍ୟା 5 ଘଟିକାରେ ଜାଭେଦଙ୍କ ତାଳି ବଜାଇବା ଭିଡିଓ ମଧ୍ୟ ସୋସିଆଲ ମିଡିଆରେ ସେୟାର କରିଛନ୍ତି।
ପ୍ରକାଶ ଥାଉକି କୋରୋନା ଭାଇରସ ଆତଙ୍କ ପାଇଁ ଦିଲ୍ଲୀ ସମେତ ଅନେକ ରାଜ୍ୟରେ ଲକଡାଉନ କରିଦିଆଯାଇଛି। ରବିବାର କୋରୋନା ଭାଇରସର 26 ମାମଲା ସାମ୍ନାକୁ ଆସିଥିଲା। ଏଯାବତ ସଂକ୍ରମିତ ଲୋକଙ୍କ ସଂଖ୍ୟା 415ରେ ପହଞ୍ଚିଲାଣି।
