ମୁମ୍ବାଇ: ସିଂଘମ ଅଜୟ ଦେବଗନ ଓ କାଜୋଲଙ୍କ ଯୋଡି ସବୁବେଳେ ନିଜ ଖଟାମିଠା ସମ୍ପର୍କକୁ ନେଇ ଚର୍ଚ୍ଚାରେ ରୁହନ୍ତି। ଏହି ଯୋଡି ପରସ୍ପରଠୁ ସମ୍ପୂଣ୍ଣ ଭିନ୍ନ। କାଜଲ ଅଧିକା କଥା ହେବାକୁ ଭଲ ପାଉଥିବା ବେଳେ ଅଜୟ ଇଣ୍ଟ୍ରୋଭର୍ଡ। ଇତିମଧ୍ୟରେ ଦୁଇଜଣଙ୍କ ଏକ ଭିଡିଓ ସୋସିଆଲ ମିଡିଆରେ ଖୁବ୍ ଭାଇରାଲ ହେବାରେ ଲାଗିଛି। ଯେଉଁଥିରେ ଅଜୟ ପତ୍ନୀଙ୍କୁ ବୁଢା କହୁଛନ୍ତି। କାଜୋଲ ମଧ୍ୟ କେଉଁ ଛାଡିବା ଝିଅ ସେ ମଧ୍ୟ କଡା ଜବାବ ଅଜୟଙ୍କୁ ଦେଇଛନ୍ତି।
ଅଜୟ ଓ କାଜୋଲ କେବେ ମଧ୍ୟ ନିଜ ବ୍ୟକ୍ତିଗତ ଜୀବନ ଉପରେ ଅଧିକ କଥା ହୁଅନ୍ତି ନାହିଁ । ହେଲେ ଏବେ ଭାଇରାଲ ହେଉଥିବା ଭିଡିଓରେ କାଜୋଲଙ୍କ ଫଟୋସୁଟକୁ ନେଇ ଟିଭି ଶୋରେ ତାଙ୍କ ମଜାକ ଉଡାଇଛନ୍ତି ଅଜୟ । ଆଜ୍ଞା ହଁ, କରନ ଜୋହରଙ୍କ ପପୁଲାର ଟକ ଶୋ ‘କଫି ୱିଥ କରନ’ର ଏକ ପୁରୁଣା ଭିଡିଓକୁ ଷ୍ଟାରୱାର୍ଲ୍ଡର ଇନଷ୍ଟାଗ୍ରାମ ପେଜରେ ସେୟାର କରାଯାଇଛି।
ଭିଡିଓରେ ଆପଣ ଦେଖିପାରିବେ ଅଜୟ ହୋଷ୍ଟ କରନଙ୍କୁ ଏହା କହୁଥିବାର ନଜର ଆସୁଛନ୍ତି ଯେ କାଜୋଲଙ୍କ ପିକଚର କ୍ଲିକ କରିବାରେ ତାଙ୍କୁ କୌଣସି ଅସୁବିଧା ନାହିଁ । ହେଲେ ଚିନ୍ତାର କଥା ହେଲା ଯେ ଫଟୋ କ୍ଲିକ କରିବାର ତିନି ଘଣ୍ଟା ପର୍ଯ୍ୟନ୍ତ ସେ ଫଟୋକୁ ଏଡିଟ କରିଥାଆନ୍ତି। ସୋସିଆଲ ମିଡିଆରେ ସେୟାର କରିବା ପାଇଁ କାଜୋଲ ଫଟୋକୁ ଏଡିଟ କରନ୍ତି। ଏହା ଉପରେ ଅସନ୍ତୋଷ ପ୍ରକାଶ କରି ଅଜୟ ଆହୁରି କହୁଛନ୍ତି ଯେ କାଜୋଲ ପୁରା ଜୀବନ ଏମିତି କରିନଥିଲେ ଆଉ ବୁଢା ବୟସରେ କାହିଁକି କରୁଛନ୍ତି, ସେ ବୁଝିପାରୁନାହାଁନ୍ତି।
ଏହି କଥା ଶୁଣି କରନ ହସିଥିବା ବେଳେ କାଜୋଲ କଡା ଜବାବ ଦେଇ ଅଜୟଙ୍କ ପାଟି ବନ୍ଦ କରିଦେଉଛନ୍ତି। ଆପଣ ମଧ୍ୟ ଦେଖନ୍ତୁ ପତି-ପତ୍ନୀଙ୍କ ଏହି ନୋକ-ଝୋକ ଭିଡିଓ...
- " class="align-text-top noRightClick twitterSection" data="
">
