ମୁମ୍ବାଇ:ବି-ଟାଉନର ଆକ୍ସନ ହିରୋ ଟାଇଗର ଶ୍ରଫ ରବିବାର ଫ୍ୟାନ୍ସଙ୍କୁ ଦେଇଛନ୍ତି ବଡ ସରପ୍ରାଇଜ । ସେ ଖୁବଶୀଘ୍ର ନିଜର ଦ୍ବିତୀୟ ମ୍ୟୁଜିକ ଭିଡିଓ ନେଇ ଫେରିବାକୁ ଯାଉଛନ୍ତି । ହେଲେ ଏହା ପୂର୍ବରୁ ସେ ‘କ୍ୟାସନୋଭା’ ମ୍ୟୁଜିକ ଭିଡିଓର ଟିଜର ଭିଡିଓ ରିଲିଜ କରି ଫ୍ୟାନ୍ସଙ୍କୁ ଦେଇଛନ୍ତି ସରପ୍ରାଇଜ । ଏଥର ତାଙ୍କ ଜବରଦସ୍ତ ଡାନ୍ସ ସହ କଣ୍ଠର ମଧ୍ୟ ଏନଜୟ କରିବେ ଫ୍ୟାନ୍ସ । ବର୍ତ୍ତମାନ ଭାଇରାଲ ହେଉଥିବା ଏହି ଟିଜରରେ ଟାଇଗରଙ୍କୁ ଦେଖି ଦର୍ଶକଙ୍କୁ ମନେ ପଡିଯାଇଛନ୍ତି ଲେଜେଣ୍ଡ ପପ ଡାନ୍ସର ମାଇକେଲ ଜ୍ୟାକସନଙ୍କ କଥା । କାରଣ ଭିଡିଓରେ ଅବିକଳ ତାଙ୍କ ଭଳି ଡାନ୍ସ କରୁଥିବାର ନଜର ଆସୁଛନ୍ତି ଅଭିନେତା । ଆଉ ତାଙ୍କ ଡାନ୍ସ ଦେଖି ଫିଦା ହୋଇଯାଇଛନ୍ତି ତାଙ୍କ କଥିତ ଗାର୍ଲଫ୍ରେଣ୍ଡ ତଥା ଅଭିନେତ୍ରୀ ଦିଶା ପଟାନୀ ।
- " class="align-text-top noRightClick twitterSection" data="
">
ଟିଜର ଜାରି କରି ଇନଷ୍ଟାଗ୍ରାମରେ ଟାଇଗର ଲେଖିଛନ୍ତି, ‘ମୁଁ ଜଣେ କ୍ୟାସନୋଭା ବି4 । ମୁଁ ତୁମ ଗାର୍ଲଙ୍କୁ ଦେଖିଥିଲି । ହାହା ହେଲେ ସତରେ ନୁହେଁ କିନ୍ତୁ ଏଠାରେ ମୋର ଦ୍ବିତୀୟ ସିଙ୍ଗଲ ଆସିବ । ଆଶା ଯେ ତୁମେ ସମସ୍ତେ ଏହାକୁ ପସନ୍ଦ କରିବେ । ମୋ ୟୁଟ୍ୟୁବ ଚ୍ୟାନେଲରେ ଜାନୁୟାରୀ 13 ରେ ଆସିବାକୁ ଯାଉଛି ଏହି ଗୀତ ।’ ସେପଟେ ଦିଶା ଏହି ଟିଜର ଭିଡିଓରେ କମେଣ୍ଟ କରି ଲେଖିଛନ୍ତି, ‘ମୁଁ ଆଉ ଅପେକ୍ଷା କରିପାରୁନାହିଁ ଏହାକୁ ଦେଖିବାକୁ ।’
ପ୍ରକାଶ ଥାଉକି କ୍ୟାସନୋଭାର ନିର୍ଦ୍ଦେଶନା ଦାୟିତ୍ବ ତୁଲାଇଛନ୍ତି ପୁନିତ ମଲହୋତ୍ରା । ସେହିପରି ଏହାର ପ୍ରଯୋଜନା କ୍ୟୁକିଙ୍କ ସହ ମିଶି ଟାଇଗର କରିଛନ୍ତି । ଗୀତଟି ଅଭିତେଶ କମ୍ପୋଜ କରିଥିବା ବେଳେ କୋରିଓଗ୍ରାଫ କରିଛନ୍ତି ପରେଶ । ଟାଇଗର ନିଜ ପ୍ରଥମ ମ୍ୟୁଜିକ ଭିଡିଓ ‘ଅନବିଲିଭେବଲ’ ଜରିଆରେ ସଙ୍ଗୀତ ଦୁନିଆରେ ପଦାର୍ପଣ କରିଥିଲେ ।
