ମୁମ୍ବାଇ: ‘ବିଗବସ 13’ ଫେମ ସେହନାଜ ଗିଲ ସବୁବେଳେ ସୋସିଆଲ ମିଡିଆରେ ଆକ୍ଟିଭ ନଜର ଆସନ୍ତି । ବିଗବସ ଶୋରେ ସାମିଲ ହେବା ପରଠୁ ତାଙ୍କ ଫ୍ୟାନ୍ସଙ୍କ ସଂଖ୍ୟା ବଢିଚାଲିଛି । ତାଙ୍କ ବିନ୍ଦାସ ଅନ୍ଦାଜ ଦେଖିବାକୁ ସବୁବେଳେ ଅନାଇ ବସିଥାଆନ୍ତି ସମସ୍ତେ । ସେ ବି ଫ୍ୟାନ୍ସଙ୍କୁ ମନୋରଞ୍ଜନ କରିବାରେ କୌଣସି ସୁଯୋଗ ଛାଡନ୍ତି ନାହିଁ । ଏଥର ମଧ୍ୟ ସମାନ କାମ କରିଛନ୍ତି ସେ ।
- " class="align-text-top noRightClick twitterSection" data="
">
ବୁଧବାର ନିଜର ଏକ ଡାନ୍ସ ଭିଡିଓ ସେୟାର କରି ମନ କିଣିଛନ୍ତି ଅଭିନେତ୍ରୀ । ଭାଇରାଲ ହେଉଛି ତାଙ୍କ ଏହି ନୂଆ ଭିଡିଓ । ମାତ୍ର 12 ଘଣ୍ଟା ମଧ୍ୟରେ ତାଙ୍କ ଏହି ଭିଡିଓକୁ 3 ଲକ୍ଷ ଲାଇକ୍ସ ମିଳିସାରିଲାଣି ।
ଭାଇରାଲ ହେଉଥିବା ଭିଡିଓରେ ସେହନାଜ ସୁଟ ପିନ୍ଧି ପଞ୍ଜାବୀ ଗୀତ ‘ଦିୟୋର ଦେ ବ୍ୟାହ ବିଚ’ ଗୀତରେ ଦମଦାର ଠୁମକା ଲଗାଉଥିବାର ଦେଖାଯାଉଛନ୍ତି । ସେପଟେ ଫ୍ୟାନ୍ସ ଏଥିରେ କମେଣ୍ଟ କରି ତାଙ୍କ ପ୍ରଶଂସା କରୁଥିବାର ନଜର ଆସୁଛନ୍ତି ।
ପ୍ରକାଶ ଥାଉକି ନିକଟରେ ତାଙ୍କୁ ଇନଷ୍ଟାଗ୍ରାମରୁ ଅନଫଲୋ କରିଦେଇଥିଲେ ଫେମସ ଆକ୍ଟର ଗୌତମ ଗୁଲାଟି । ଆଉ ଏହାର କାରଣ ସେ ତାଙ୍କ କଥିତ ବୟଫ୍ରେଣ୍ଡ ସିଦ୍ଧାର୍ଥ ଶୁକ୍ଲାଙ୍କୁ କହିଥିଲେ ।
