ମୁମ୍ବାଇ: ଅକ୍ଷୟ କୁମାରଙ୍କ ଫ୍ୟାନ୍ସ ପାଇଁ ଖରାପ ଖବର । ତାଙ୍କ ଅଭିନୀତ ଫିଲ୍ମ ‘ସୂର୍ଯ୍ୟବଂଶୀ’ ଦେଖିବା ପାଇଁ ଫ୍ୟାନ୍ସଙ୍କୁ କରିବାକୁ ପଡିବ ଅପେକ୍ଷା । ଏବର୍ଷର ସବୁଠୁ ବଡ ଆକ୍ସନ ଫିଲ୍ମ ‘ସୂର୍ଯ୍ୟବଂଶୀ’ ରିଲିଜ ତାରିଖକୁ ଘୁଞ୍ଚାଇ ପାରନ୍ତି ମେକର୍ସ । ଦେଶରେ ବ୍ୟାପିଥିବା କୋରୋନା ଭୟ ପାଇଁ ଅନେକ କାର୍ଯ୍ୟକ୍ରମକୁ ବର୍ତ୍ତମାନ ରଦ୍ଦ କରିବାକୁ ପଡୁଛି। ଏହାକୁ ଦୃଷ୍ଟିରେ ରଖି ମେକର୍ସ ଫିଲ୍ମର ରିଲିଜ ତାରିଖକୁ ପରିବର୍ତ୍ତନ କରିପାରନ୍ତି। ପୂର୍ବରୁ ଘୋଷଣା ହୋଇଥିଲା ଫିଲ୍ମ ଏମାସ 27 ତାରିଖରେ ରିଲିଜ ହୋଇଥାଆନ୍ତା ।
ଫ୍ୟାନ୍ସଙ୍କୁ ସରପ୍ରାଇଜ ଦେବାକୁ ଯାଇ ମେକର୍ସ ଫିଲ୍ମର ନିର୍ଦ୍ଧାରିତ ରିଲିଜ ତାରିଖର ତିନି ଦିନ ପୂର୍ବରୁ ତଥା 24 ତାରିଖରେ ଫିଲ୍ମ ରିଲିଜ କରିବାକୁ ସ୍ତିର କରିଥିଲେ। ହେଲେ ଏବେ ଏହା ଆଉ ସମ୍ଭବ ଲାଗୁନାହିଁ।
ନିକଟରେ ରିଲିଜ ହୋଇଥିଲା ଫିଲ୍ମର ଜବରଦସ୍ତ ଟ୍ରେଲର ଦେଖିବା ପରଠୁ ଦର୍ଶକ ଫିଲ୍ମକୁ ନେଇ ଖୁବ୍ ଏକ୍ସାଇଟେଡ ନଜର ଆସୁଛନ୍ତି । ଆକ୍ସନ ନିର୍ଦ୍ଦେଶକ ରୋହିତ ସେଟ୍ଟୀଙ୍କ ନିର୍ଦ୍ଦେଶିତ ଏହି ଫିଲ୍ମରେ ଅକ୍ଷୟଙ୍କ ବ୍ୟତୀତ କ୍ୟାଟ୍ରିନା କୈଫ, ଅଜୟ ଦେବଗନ ଓ ରଣବୀର ସିଂ ନଜର ଆସିବେ।
ପ୍ରକାଶ ଥାଉକି କୋରୋନା ଭାଇରସ ପାଇଁ ପ୍ରଧାନମନ୍ତ୍ରୀ ମୋଦି, ଗୃଗମନ୍ତ୍ରୀ ଅମିତ ଶାହ ସମେତ ଅନେକ ବଡ ନେତା ଏବର୍ଷ ହୋଲି ଖେଳିବେ ନାହିଁ । ଚୀନରୁ ଆରମ୍ଭ ହୋଇଥିବା କୋରୋନା ଭାଇରସ ଏବେ ଅନେକ ଦେଶରେ ବ୍ୟାପିସାରିଲାଣି । ଏଯାବତ ଭାରତରେ ଏଥିରେ ସଂକ୍ରମିତ ଲୋକ ସଂଖ୍ୟା ପାଖାପାଖି 39ରେ ପହଞ୍ଚିଲାଣି।
