ନୂଆଦିଲ୍ଲୀ: ମୋଦି ସରକାରଙ୍କ ଦ୍ବିତୀୟ ଇଂନିସ ଆରମ୍ଭ । ମୋଦି ଓ ତାଙ୍କ ଟିମକୁ ମେ 30ରେ ପଦ ଓ ଗୋପନୀୟତାର ଶପଥ ପାଠ କରାଇଛନ୍ତି ରାଷ୍ଟ୍ରପତି ରାମନାଥ କୋବିନ୍ଦ । ଆଉ ଏହି ଭବ୍ୟ ସମାରୋହରେ ପ୍ରାୟ 6ହଜାର ଅତିଥି ସାମିଲ ହୋଇଥିବାବେଳେ ବଲିଉଡ ଇଣ୍ଡଷ୍ଟ୍ରିର ଅନେକ ବଡ ଚେହେରା ମଧ୍ୟ ନଜର ଆସିଥିଲେ ।
ପ୍ରଧାନମନ୍ତ୍ରୀଙ୍କ ଶପଥ ଗ୍ରହଣ ଉତ୍ସବରେ ମେଗାଷ୍ଟାର ରଜନୀକାନ୍ତଙ୍କ ସହ ବଲିଉଡର ବାଦଶାହ ଶାହରୁଖ ଖାନ, କରଣ ଜୋହର, ଆଶା ଭୋସଲେ, କଙ୍ଗନା ରଣାୱତ, ଅନିଲ କପୁର, ଅନୁପମ ଖେର, ଶାହିଦ କପୁର, ସୁଶାନ୍ତ ସିଂହ ରାଜପୁତ, କପିଲ ଶର୍ମା ଆଦି ଷ୍ଟାର ନଜର ଆସିଥିଲେ । ତେବେ ଖାଲି ଷ୍ଟାର ନୁହେଁ ଏହି ଭବ୍ୟ ସମାରୋହରେ ଅନେକ ଲୋକପ୍ରିୟ ନିର୍ମାତା ମଧ୍ୟ ନଜର ଆସିଥିଲେ ।
ପ୍ରକାଶ ଥାଉକି, ମୋଦିଙ୍କ ଶପଥ ଗ୍ରହଣରେ ବିମଷ୍ଟେକ (ବାଂଲାଦେଶ, ଶ୍ରୀଲଙ୍କା, ନେପାଳ, ଭୁଟାନ, ଥାଇଲ୍ୟାଣ୍ଡ, ମିଆଁମାର, ମରିସିଅସ) ରାଷ୍ଟ୍ରମୁଖ୍ୟ, ଅନେକ ରାଜ୍ୟର ମୁଖ୍ୟମନ୍ତ୍ରୀ, କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧୀ, ୟୁପିଏ ଅଧ୍ୟକ୍ଷା ସୋନିଆ ଗାନ୍ଧୀ, ପୂର୍ବତନ ପିଏମ ମନମୋହନ ସିଂ ଆଦି ସାମିଲ ହୋଇଥିଲେ ।
