ମୁମ୍ବାଇ: ଲାଗୁଛି ଯେ ‘ଶୁଭ ମଙ୍ଗଲ ଜ୍ୟାଦା ସାବଧାନ’ ଫିଲ୍ମରେ ପ୍ରେମ ଆଉ ସଂସ୍କାର ଦେଖିବାକୁ ମିଳିବ । ଟ୍ୟାଲେଣ୍ଟେଡ ଆକ୍ଟର ଆୟୁଷ୍ମାନ ଖୁରାନା ଏଥର କୌଣସି ଅଭିନେତ୍ରୀଙ୍କ ସହ ନୁହେଁ ବରଂ ଅଭିନେତାଙ୍କ ସହ ପ୍ରେମ କରିବାକୁ ଯାଉଛନ୍ତି । ଫିଲ୍ମରେ ସେ ଅଭିନେତା ଜିତେନ୍ଦ୍ର କୁମାରଙ୍କ ସହ ରୋମାନ୍ସ କରୁଥିବାର ନଜର ଆସିବେ । ପ୍ରଥମଥର ସେ ସମଲିଙ୍ଗୀ ଭୂମିକାରେ ଅଭିନୟ କରିବେ ଏହି ଫିଲ୍ମରେ । ଯାହାକୁ ନେଇ ଫ୍ୟାନ୍ସ ଏବେ ଠାରୁ ଏକ୍ସାଇଟେଡ ।
ଇତିମଧ୍ୟରେ ରିଲିଜ ହୋଇଯାଇଛି ଫିଲ୍ମର ଆଉ ଏକ ଟିଜର । ଟ୍ବିଟରରେ ଏହାକୁ ସେୟାର କରିଛନ୍ତି ଆୟୁଷ୍ମାନ । ଆନିମେଟେଡ ଟିଜରରେ ଫିଲ୍ମର ସବୁ ଭୂମିକାକୁ ଦର୍ଶାଯାଇଛି । ପ୍ରଥମେ ଟିଜରରେ ଦେଖିବାକୁ ମିଳୁଛି କଳା କୋବି ମ୍ୟାଚ । ପ୍ରେମ ଓ ସଂସ୍କାର ମଧ୍ୟରେ ଏହି ମ୍ୟାଚ ରଖାଯାଇଛି ।
ଗଜରାଜ ରାଓ ଫିଲ୍ମରେ ଶଙ୍କର ତ୍ରିପାଠୀ ତଥା ପରିବାର ମୁଖ୍ୟ ଲୋକ ରୂପେ ନଜର ଆସୁଥିବା ବେଳେ ତାଙ୍କ ପତ୍ନୀ ସୁନୈନା ତ୍ରିପାଠୀ ରୂପେ ଅଭିନେତ୍ରୀ ନୀନା ଗୁପ୍ତା ଦେଖାଯାଉଛନ୍ତି ।
ଯେଉଁଠାରେ ପୁରା ପରିବାର ମ୍ୟାଚ ଖେଳିବାରେ ଲାଗିଛନ୍ତି, ସେହିଠାରେ କାର୍ତ୍ତିକ ସିଂହ ଓ ଅମନ ତ୍ରିପାଠୀଙ୍କ ସହ ପ୍ରେମ କରୁଥିବାର ନଜର ଆସୁଛନ୍ତି । କାର୍ତ୍ତିକ ଭୂମିକାରେ ଆୟୁଷ୍ମାନ ଓ ଅମନ ଭୂମିକାରେ ଜିତେନ୍ଦ୍ର ଫିଲ୍ମରେ ଅଭିନୟ କରୁଛନ୍ତି । ଏହି ଦୁଇଜଣଙ୍କ ପ୍ରେମ ବିରୋଧରେ ପୁରା ପରିବାର ଥିବାର ଟିଜରରେ ଦେଖିବାକୁ ମିଳୁଛି ।
ହିତେଶ କେୱାଲିୟାଙ୍କ ନିର୍ଦ୍ଦେଶିତ ଏହି ଫିଲ୍ମ ଆସନ୍ତା ବର୍ଷ ମାର୍ଚ୍ଚରେ ରିଲିଜ ହେବ। 2017ରେ ଆସିଥିବା ଆୟୁଷ୍ମାନ ଓ ଭୂମି ପେଡନେକରଙ୍କ ହିଟ୍ ଫିଲ୍ମ ‘ଶୁଭ ମଙ୍ଗଲ ସାବଧାନ’ର ଏହା ସିକ୍ବେଲ ଫିଲ୍ମ । ଯାହାର ପ୍ରଯୋଜନା ଦାୟିତ୍ବ ତୁଲାଉଛନ୍ତି ଭୂଷଣ କୁମାର ଓ ଆନନ୍ଦ ଏଲ ରାୟ ।
