ମୁମ୍ବାଇ: ବି-ଟାଉନର ଟ୍ୟାଲେଣ୍ଟଟେଡ ଆକ୍ଟର ଆୟୁଷ୍ମାନ ଖୁରାନା ବଲିଉଡକୁ ଗୋଟିଏ ଉପରେ ଗୋଟିଏ ବ୍ଲକବଷ୍ଟର ଫିଲ୍ମ ଦେବାରେ ଲାଗିପଡିଛନ୍ତି । ନିକଟରେ ରିଲିଜ ହୋଇଥିବା ତାଙ୍କ ଚର୍ଚ୍ଚିତ ଫିଲ୍ମ ‘ଡ୍ରିମ ଗାର୍ଲ’ ବର୍ତ୍ତମାନ ଜବରଦସ୍ତ କଲେକ୍ସନ କରିବାରେ ଲାଗିଛି । ପ୍ରଥମଥର ଝିଅ ସ୍ବରରେ ‘ଡ୍ରିମ ଗାର୍ଲ’ରେ ଅଭିନୟ କରିଥିବା ଆୟୁଷ୍ମାନଙ୍କ ନାଁରେ ଆଉ ଏକ ହିଟ୍ ।
ଆଜ୍ଞା ହଁ, ରିଲିଜର ମାତ୍ର ତିନି ଦିନରେ ‘ଡ୍ରିମ ଗାର୍ଲ’ 50 କୋଟି ଟଙ୍କା ଆୟ କରି ହିଟ୍ ସାବ୍ୟସ୍ତ ହୋଇଛି । ଯାହାକୁ ନେଇ ଉତ୍ସାହିତ ଷ୍ଟାର-କାଷ୍ଟ । ଫିଲ୍ମରେ ଆୟୁଷ୍ମାନଙ୍କ ସହ ପ୍ରଥମଥର ରୋମାନ୍ସ କରୁଥିବାର ନଜର ଆସୁଛନ୍ତି ନୁସରତ ଭାରୁଚା।
ଫିଲ୍ମର କଲେକ୍ସନ ବିଷୟରେ ଫିଲ୍ମ କ୍ରିଟିକ ଏବଂ ଟ୍ରେଡ ଆନାଲିଷ୍ଟ ତରଣ ଆଦର୍ଶ ଟ୍ବିଟରରେ ଦର୍ଶକଙ୍କୁ ସୂଚନା ଦେଇଛନ୍ତି । ରିଲିଜ ଦିନ ଫିଲ୍ମଟି 10.05 କୋଟି ରିଲିଜ କରିଥିବା ବେଳେ ଶନିବାର 16.42 କୋଟି କରିବାରେ ସଫଳ ହୋଇଥିଲା । ସେହିପରି ରବିବାର 18.01 କୋଟି ଏବଂ ସୋମବାର 7.43 କୋଟି ଆୟ କରିଛି ‘ଡ୍ରିମ ଗାର୍ଲ’ । ଏଯାବତ ଫିଲ୍ମର ସମୁଦାୟ କଲେକ୍ସନ 52.କୋଟି ଟଙ୍କା ବୋଲି ପୋଷ୍ଟରେ ଲେଖିଛନ୍ତି ତରଣ ।
ପ୍ରକାଶ ଥାଉକି ‘ଡ୍ରିମ ଗାର୍ଲ’ ଆୟୁଷ୍ମାନଙ୍କ କ୍ୟାରିୟର ହାଇହେଷ୍ଟ ଓପନିଂ ଫିଲ୍ମ ମଧ୍ୟ । ଏବେ ପୁଣି ଆୟୁଷ୍ମାନ ପ୍ରସ୍ତୁତ ହୋଇସାରିଲେଣି ନିଜର ଆଗାମୀ ଫିଲ୍ମ ‘ବାଲା’ ରିଲିଜ କରିବାକୁ । ପୁଣି ଭିନ୍ନ ଅନ୍ଦାଜରେ ଭିନ୍ନ କାହାଣୀ ନେଇ ପରଦାରେ ଦେଖାଯିବେ ଆୟୁଷ୍ମାନ । ନେଭେମ୍ବର 22ରେ ରିଲିଜ ହେବାକୁ ଯାଉଛି ଏହି ଫିଲ୍ମ । ଚନ୍ଦା ବ୍ୟକ୍ତି ଭୂମିକାରେ ଏଥର ଦେଖାଯିବେ ଆୟୁଷ୍ମାନ ।
