ମୁମ୍ବାଇ: ଆୟୁଷ୍ମାନ ଖୁରାନାଙ୍କ ବହୁ ଚର୍ଚ୍ଚିତ ଫିଲ୍ମ ‘ଶୁଭ ମଙ୍ଗଲ ଜ୍ୟାଦା ସାବଧାନ’ ଶୁକ୍ରବାର ରିଲିଜ ହୋଇଯାଇଛି । ପ୍ରଥମଥର ଆୟୁଷ୍ମାନ ଫିଲ୍ମରେ ସମଲିଙ୍ଗୀ ଭୂମିକାରେ ଅଭିନୟ କରି ଦର୍ଶକଙ୍କ ମନ ପୁଣି ଥରେ କିଣିଛନ୍ତି । ଫିଲ୍ମକୁ ଦର୍ଶକ ଓ କ୍ରିଟିକ୍ସଙ୍କ ଶାନଦାର ପ୍ରତିକ୍ରିୟା ମିଳିଛି । ସେପଟେ ବଲିଉଡ ସେଲିବ୍ରିଟି ମଧ୍ୟ ଫିଲ୍ମକୁ ଖୁବ୍ ପସନ୍ଦ କରିଛନ୍ତି । ଇତି ମଧ୍ୟରେ ଫିଲ୍ମର ଫାଷ୍ଟ ଡେ କଲେକ୍ସନ ସାମ୍ନାକୁ ଆସିଯାଇଛି ।
ବକ୍ସ ଅଫିସ ଇଣ୍ଡିଆ ଅନୁଯାୟୀ ଫିଲ୍ମ ରିଲିଜର ପ୍ରଥମ ଦିନରେ 9.50 କୋଟି ପାଖାପାଖି ଆୟ କରିଛି । ସବୁଥର ପରି ଏଥର ମଧ୍ୟ ଆୟୁଷ୍ମାନଙ୍କ ଯାଦୁ ଦର୍ଶକଙ୍କ ଉପରେ ଛାଇ ଯାଇଛି । ଫିଲ୍ମରେ ଆୟୁଷ୍ମାନଙ୍କ ସମଲିଙ୍ଗୀ ପ୍ରେମିକା ସାଜିଛନ୍ତି ଜିତେନ୍ଦ୍ର କୁମାର ।
ଫିଲ୍ମରେ ଏହି ଦୁଇ ଷ୍ଟାରଙ୍କ ବ୍ୟତୀତ ମାନବୀ ଗାଗରୁ, ମନୁଋଷି ଚଡ୍ଡା, ଗଜରାଜ ରାଓ ଓ ନୀନା ଗୁପ୍ତା ଆଦି ମୁଖ୍ୟ ଭୂମିକାରେ ଅଭିନୟ କରୁଛନ୍ତି । ସମସ୍ତେ ଫିଲ୍ମରେ ଜବରଦସ୍ତ ଅଭିନୟ କରୁଥିବାର ନଜର ଆସୁଛନ୍ତି । ପ୍ରକାଶ ଥାଉ କି ‘ଶୁଭ ମଙ୍ଗଲ ଜ୍ୟାଦା ସାବଧାନ’ ସହ ଭିକ୍କୀ କୌଶଲଙ୍କ ଚର୍ଚ୍ଚିତ ଫିଲ୍ମ ‘ଭୂତ୍: ଦ ହଣ୍ଟେଡ ଶିପ’ ମଧ୍ୟ ରିଲିଜ ହୋଇଥିଲା । ହେଲେ ଆୟୁଷ୍ମାନଙ୍କ ଫିଲ୍ମ ଆଗାରେ ଫିକା ପଡିଛି ଭିକ୍କୀଙ୍କ ଫିଲ୍ମ ।
‘ଶୁଭ ମଙ୍ଗଲ ଜ୍ୟାଦା ସାବଧାନ’ 9.50 କୋଟି ଆୟ କରିଥିବା ବେଳେ ‘ଭୂତ: ଦ ହଣ୍ଟେଡ ଶିପ’ ମାତ୍ର 5.25 କୋଟି ଆୟ କରିଛି । ଏହି ଦୁଇ ଫିଲ୍ମ ମଧ୍ୟରେ ହିଟ୍ ତାଲିକାରେ ‘ଶୁଭ ମଙ୍ଗଲ ଜ୍ୟାଦା ସାବଧାନ’ର ନାମ ସାମିଲ ହେବାକୁ ଯାଉଛି।
