ମୁମ୍ବାଇ: ଲୋକପ୍ରିୟ ନିର୍ମାତା ଆଶୁତୋଷ ଗୋୱାରିକରଙ୍କ ବହୁପ୍ରତିକ୍ଷିତ ପିରିୟଡ ଡ୍ରାମା ଫିଲ୍ମ ‘ପାନିପଥ’ ରିଲିଜ ହେବାକୁ ପ୍ରସ୍ତୁତ । ହ୍ୟାଣ୍ଡସମ୍ ଅଭିନେତା ଅର୍ଜୁନ କପୁର ଓ ବି-ଟାଉନର ସଞ୍ଜୟ ଦତ୍ତଙ୍କ ଅଭିନୀତ ଏହି ଫିଲ୍ମର ଟ୍ରେଲର ନିକଟରେ ରିଲିଜ ହୋଇଥିଲା । ଟ୍ରେଲରକୁ ଦେଖି ଫିଲ୍ମ ଦେଖିବା ପାଇଁ ବେଶ୍ ଏକ୍ସାଇଟେଡ ଅଛନ୍ତି ଦର୍ଶକ। ଟ୍ରେଲରରେ ମରାଠା ଯୋଦ୍ଧା ସଦାଶିବ ରାଓ ଭାଉ ରୂପେ ଅର୍ଜୁନ ନଜର ଆସିବା ବେଳେ ସଞ୍ଜୟ ଅଫଗାନି ସୁଲତାନ ଅହମ୍ମଦ ଶାହ ଅବଦାଲି ଭୂମିକାରେ ଦେଖାଯାଇଥିଲେ। ଇତିହାସର ସବୁଠାରୁ ବଡ ଯୁଦ୍ଧ ପାନିପଥ ତୃତୀୟ କାହାଣୀକୁ ନେଇ ଆଧାରିତ ଏହି ଫିଲ୍ମ ।
ଇତିମଧ୍ୟରେ ଅର୍ଜୁନ ଫିଲ୍ମର ନାନା ସାହେବ ପେଶୱା ତଥା ବାଲାଜି ବାଜି ରାଓଙ୍କ ସହ ଫ୍ୟାନ୍ସଙ୍କୁ ସୋସିଆଲ ମିଡିଆରେ ସାକ୍ଷାତ କରାଇଛନ୍ତି । ଏହି ଭୂମିକାରେ ନଜର ଆସୁଛନ୍ତି ଫେମସ ଅଭିନେତା ମୋହନିଶ ବହଲ। ଫଟୋକୁ ସେୟାର କରି ଅର୍ଜୁନ କ୍ୟାପସନରେ ଲେଖିଛନ୍ତି, ‘ନାନା ସାହେବ ପେଶୱା- ଜଣେ ରାଜା ରକ୍ତରେ ଶାସିତ ହୋଇଥାଏ ।’
- " class="align-text-top noRightClick twitterSection" data="
">
ପ୍ରକାଶ ଥାଉକି ମୋହନିଶ ପ୍ରଥମଥର କୌଣସି ଐତିହାସିକ ଫିଲ୍ମରେ ନଜର ଆସିବାକୁ ଯାଉଛନ୍ତି । ଯାହାକୁ ନେଇ ସେ ଖୁବ୍ ଏକ୍ସାଇଟେଡ । ଫିଲ୍ମରେ ଅର୍ଜୁନ ଓ ସଞ୍ଜୟଙ୍କ ବ୍ୟତୀତ କ୍ରିତି ସାନନ, ଯିନତ ଅମାନ, ପଦ୍ମିନୀ କୋଲ୍ହାପୁରୀ ମଧ୍ୟ ମୁଖ୍ୟ ଭୂମିକାରେ ନଜର ଆସିବେ । ଆସନ୍ତା 6 ତାରିଖରେ ରିଲିଜ ହେବାକୁ ଯାଉଛି ‘ପାନିପଥ’ ।
