ମୁମ୍ବାଇ: ବି-ଟାଉନର ଭର୍ସାଟାଇଲ ଅଭିନେତା ନୱାଜୁଦ୍ଦିନ ସିଦ୍ଦିକି ନିଜର ଅପକମିଂ ଫିଲ୍ମ 'ବୋଲେ ଚୁଡିୟାଂ'କୁ ନେଇ ଚର୍ଚ୍ଚାରେ ଅଛନ୍ତି । ନିଜର ଚ୍ୟାଲେଞ୍ଜିଂ ରୋଲ ପାଇଁ ସବୁବେଳେ ଜଣାଯାଉଥିବା ନୱାଜଙ୍କ ଭିନ୍ନ ଅବତାର 'ବୋଲେ ଚୁଡିୟାଂ'ରେ ଦେଖିବାକୁ ମିଳିବ ।
ଏବେ ଫିଲ୍ମକୁ ନେଇ ଏକ ବଡ ଖବର ଶୁଣିବାକୁ ମିଳୁଛି । ଆଜ୍ଞା ହଁ, ଫିଲ୍ମରେ ନୱାଜଙ୍କ ସହ ଅଭିନୟ କରୁଥିବାର ନଜର ଆସିବେ ଲୋକପ୍ରିୟ ନିର୍ଦ୍ଦେଶକ ଅନୁରାଗ କଶ୍ୟପ । ସେ ଫିଲ୍ମରେ ଅତିଥି କଳାକାର ରୂପେ ଦେଖାଯିବେ ।
ଯାହାର ସୂଚନା ନିକଟରେ ସେ ଏକ ସାକ୍ଷାତକାରରେ ଦେଇଥିଲେ । ସେ କହିଥିଲେ କି ନୱାଜଙ୍କ ସହ ସେ ପୁଣିଥରେ ଅଭିନୟ କରିବାକୁ ଯାଉଛନ୍ତି । ତାଙ୍କ ରୋଲ ବିଷୟରେ ସେ ଅଧିକା କିଛି ଏପର୍ଯ୍ୟନ୍ତ ଜାଣିନାହାଁନ୍ତି । ନୱାଜ ତାଙ୍କୁ ଫିଲ୍ମରେ କାମ କରିବାକୁ କହିବାରୁ ସେ ଏଥିପାଇଁ ରାଜି ହୋଇଥିଲେ । କାରଣ ସେ ସବୁବେଳେ ନୱାଜଙ୍କ ଉପରେ ବିଶ୍ବାସ କରନ୍ତି ।
ପ୍ରକାଶ ଥାଉକି 2012-13ରେ 'ଗ୍ୟାଙ୍ଗସ ଅଫ ୱାସେପୁର' ସିରିଜରେ ନୱାଜ ଓ ଅନୁରାଗ ଏକାଠି କାମ କରିଥିଲେ । ଏହି ଫିଲ୍ମକୁ ରିଲିଜ ହେବା ପାଖାପାଖି 7 ବର୍ଷ ବିତିଗଲାଣି ତଥାପି ଆଜି ମଧ୍ୟ ଫିଲ୍ମର କିଛି ଡାଇଲଗ ଦର୍ଶକଙ୍କ ମୁହଁରେ ଶୁଣିବାକୁ ମିଳିଥାଏ ।
ଏହାପୂର୍ବରୁ ତଥା 1999ରେ 'ସ୍କୁଲ' ଫିଲ୍ମରେ ଦୁଇଜଣ ଏକାଠି କାମ କରିଥିଲେ । ଏହା ନ୍ୟାସନାଲ ଆୱାର୍ଡ ୱିନିଂ ଫିଲ୍ମ ଥିଲା । ଏହା ବ୍ୟତୀତ ଦୁଇଜଣ 'ବ୍ଲାକ ଫ୍ରାଇଡେ' ଏବଂ 'ରାମ ରାଘବ 2.0' ଭଳି ଫିଲ୍ମରେ କାମ କରିଥିଲେ ।
