ମୁମ୍ବାଇ: ହଲିଉଡ ଫିଲ୍ମ ରିମେକରେ ନଜର ଆସିବେ ଝାକାସ ବଏ । ତେବେ ଦୁଇ ବର୍ଷ ପୂର୍ବେ ହଲିଉଡ ଫିଲ୍ମ 'ରେଡ'ର ହିନ୍ଦୀ ରିମେକ ପାଇଁ ସେ ଘୋଷଣା କରିଥିଲେ । ମାତ୍ର କିଛି ସମସ୍ୟା ପାଇଁ ସେ ଏହି ଫିଲ୍ମକୁ ଆରମ୍ଭ କରିପାରିନଥିଲେ । ମାତ୍ର ଏବେ ଏହା ଆରମ୍ବ ହେବା ନେଇ ଶୁଣିବାକୁ ମିଳୁଛି ।
ଏହି ଫିଲ୍ମରେ ପୁଣି ଏକାଠି ହେବେ ଡିରେକ୍ଟର ଅଭିନୟ ଦେୱ ଓ ଅନିଲ କପୁର । ଏହାର ରାଇଟସ ମିଳିବା ପରେ ମେକର୍ସ ଏହାର ସ୍କ୍ରିପ୍ଟ ଉପରେ କାମ ଆରମ୍ଭ କରିବେ । ତେବେ ଏଯାବତ ଫିଲ୍ମର ଷ୍ଟାରକାଷ୍ଟଙ୍କ ଘୋଷଣା କରାଯାଇନାହିଁ ।
ଏଠାରେ ସୂଚନାଯୋଗ୍ୟ, ଅନିଲ ଫିଲ୍ମର ପ୍ରଯୋଜନା କରିବା ସହ ମୁଖ୍ୟ ଭୂମିକାରେ ମଧ୍ୟ ଅଭିନୟ କରିବେ । ଏହାସହ ଅଭିନୟ ଫିଲ୍ମର ନିର୍ଦ୍ଦେଶନାର ଭାର ସମ୍ଭାଳିବେ । ପ୍ରକାଶ ଥାଉକି ଅଭିନୟ ଓ ଅନିଲ ପୂର୍ବରୁ ଛୋଟ ପରଦାର ଶୋ '24'ରେ ଏକାଠି କାମ କରିସାରିଛନ୍ତି ।
