ନୂଆଦିଲ୍ଲୀ: ବର୍ତ୍ତମାନ ବକ୍ସ ଅଫିସରେ ମଲ୍ଟି ଷ୍ଟାରର କମେଡି ଫିଲ୍ମ 'ଟୋଟାଲ ଧମାଲ'ର ଯାଦୁ ଦେଖିବାକୁ ମିଳୁଛି । ଯାହାକୁ ନେଇ ଖୁସି ଅଛନ୍ତି ବଲିଉଡର ମିଷ୍ଟର ଝକ୍କାସ ଅନିଲ କପୁର । ଏହି ଅବସରରେ ସେ କହିଛନ୍ତି କି ତାଙ୍କ ପାଇଁ ବ୍ୟବସାୟିକ ସଫଳତା ଅଧିକ ମହତ୍ବପୂର୍ଣ୍ଣ ।
ଫିଲ୍ମରେ ମୁଖ୍ୟ ଭୂମିକାରେ ନଜର ଆସିଛନ୍ତି ଅନିସ, ଅଜୟ ଦେବଗନ, ମାଧୁରୀ ଦୀକ୍ଷିତ, ରିତେଶ ଦେଶମୁଖ, ଅର୍ଶଦ ୱାରସୀ, ଜାଭେଦ ଜଫରୀ, ସଞ୍ଜୟ ମିଶ୍ରା, ବୋମନ ଇରାନୀ, ଈଶା ଗୁପ୍ତା, ରାଜପାଲ ଯାଦବ ।
ନିକଟରେ ଏକ ସାକ୍ଷାତକାରରେ ସାମିଲ ହୋଇଥିବା ଅନିଲ କହିଥିଲେ କି ଫିଲ୍ମ ବ୍ୟାପକ ରୂପେ ଦର୍ଶକଙ୍କ ମନୋରଞ୍ଜନ କରିବାରେ ସଫଳ ହୋଇପାରିଛି । ଏହି ସଫଳତା ତାଙ୍କ ପାଇଁ ଅଧିକ ସନ୍ତୋଷ ଆଣିଦେଇଛି । ସେ କିପରି ଫିଲ୍ମର ଚୟନ କରନ୍ତି ତାହା ମଧ୍ୟ ସମସ୍ତଙ୍କୁ ଜଣାଇଥିଲେ ।
ସେ କହିଥିଲେ କି ଯଦି ତାଙ୍କୁ ଲାଗିଥାଏ କୌଣସି ପ୍ରୋଜେକ୍ଟକୁ ପୂରା ମନରୁ କରିପାରିବି, ତେବେ ସେହି ପ୍ରୋଜେକ୍ଟ ସହ ସେ ଆଗକୁ ବଢିଥାନ୍ତି । ତାଙ୍କ ଫିଲ୍ମ 'ଟୋଟାଲ ଧମାଲ' ଭାରତରେ 150 କୋଟି ଆୟ କରିବାକୁ ନେଇ ସେ ଖୁବ୍ ରୋମାଞ୍ଚିତ ।
ପ୍ରକାଶ ଥାଉକି ଇନ୍ଦ୍ର କୁମାରଙ୍କ ଦ୍ବାରା ନିର୍ଦ୍ଦେଶିତ ଏହି ଫିଲ୍ମ ସଫଳ ଫ୍ରାଞ୍ଚାଇଜି 'ଧମାଲ'ର ତୃତୀୟ ଫିଲ୍ମ ।
