ମୁମ୍ବାଇ: ମଲ୍ଟି ଷ୍ଟାରର ଫିଲ୍ମ 'କଲଙ୍କ'କୁ ଦେଖିବା ପାଇଁ ଫ୍ୟାନ୍ସ ଖୁବ୍ ଉତ୍ସାହିତ ଅଛନ୍ତି । ଫିଲ୍ମଟି ଏପ୍ରିଲ 17ରେ ରିଲିଜ ହେବାକୁ ଯାଉଛି । ସବୁଠାରୁ ଅଧିକା ଫିଲ୍ମରେ ଆଲିୟା ଭଟ୍ଟଙ୍କ ଲୁକ୍ସକୁ ଖୁବ୍ ପ୍ରଂଶସା ମିଳିବାରେ ଲାଗିଛି । ଫିଲ୍ମ ଟ୍ରେଲର, ଟିଜର, ଗୀତରେ ଆଲିୟାଙ୍କ ଲୁକ ଶାନଦାର ନଜର ଆସିଥିଲା । ତାଙ୍କ ଚାଲିଚଳଣ ଠାରୁ ନେଇ ପୋଷାକ ପର୍ଯ୍ୟନ୍ତ ଏବଂ ଡାଇଲଗ କହିବାର ଅନ୍ଦାଜ ଦର୍ଶକଙ୍କୁ ଇମ୍ପ୍ରେସ କରିବାରେ ସଫଳ ହୋଇଛି । ଫିଲ୍ମ ରିଲିଜ ହେବାକୁ ଆଉ ସପ୍ତାହେ ବାକି ଅଛି । କିନ୍ତୁ ଇତିମଧ୍ୟରେ ଆଲିୟା ନିଜ ଲୁକକୁ ନେଇ ବଡ ଖୁଲାସା କରିଛନ୍ତି ।
ଏକ ସାକ୍ଷାତକାରରେ ଆଲିୟା କହିଥିଲେ କି ସେ ନିଜ ବଡି ଲ୍ୟାଂଗ୍ବେଜ ଏବଂ ଭାଷା ସୁଧାରିବା ପାଇଁ ଅନେକ ପୁରୁଣା ଫିଲ୍ମ ଦେଖିଥିଲେ । କାରଣ ଫିଲ୍ମରେ ତାଙ୍କୁ ଉର୍ଦ୍ଦୁ କହିବାର ଥିଲା । ଫିଲ୍ମରେ ତାଙ୍କ ଚରିତ୍ରଟି ଏପରି ହିଁ ଲେଖାଯାଇଛି । ଯେଉଁ ଚରିତ୍ରଟି ଆପଣଙ୍କୁ ସବୁବେଳେ ଖୁସି ନଜର ଆସିବ ନାହିଁ । ସେ ପୂର୍ବରୁ ବୁଝିପାରୁନଥିଲେ ଫିଲ୍ମର ପ୍ରସ୍ତୁତି କିପରି କରିବେ । ସେହି ସମୟରେ ଫିଲ୍ମ ନିର୍ଦ୍ଦେଶକ କହିଥିଲେ କି କିଛି ପୁରୁଣା ଫିଲ୍ମ ଦେଖିବାକୁ । ସେହି ଫିଲ୍ମ ମଧ୍ୟରେ 'ଉମରାଓ ଜାନ', 'ମୁଗଲ-ଏ-ଆଜମ', 'ମଧୁମତି' ଏବଂ ଅନ୍ୟ ପିରିୟଡ ଫିଲ୍ମ ସାମିଲ ଥିଲା ।
ଫିଲ୍ମ ବ୍ୟତୀତ ତାଙ୍କୁ ନିର୍ଦ୍ଦେଶକ ପାକିସ୍ତାନୀ ଅଭିନେତା ଫୱାଦ ଖାନଙ୍କ ଶୋ 'ଜିନ୍ଦଗୀ ଗୁଲଜାର ହେ' ଦେଖିବାକୁ ମଧ୍ୟ କହିଥିଲେ । ଏହି ଶୋରେ ଅଭିନେତ୍ରୀ ସନମ ସଇଦଙ୍କୁ ଦେଖିବାକୁ ଅଭିନୟ ଦେଖିବା ମୁଖ୍ୟ କାରଣ ଥିଲା ବୋଲି କହିଛନ୍ତି ଆଲିୟା ।
ଜଣାଇ ଦେଉଛୁ ଯେ 'କଲଙ୍କ'ରେ ଆଲିୟାଙ୍କ ଲୁକ ଏବଂ 'ଜିନ୍ଦଗୀ ଗୁଲଜାର ହେ'ର ମୁଖ୍ୟ ଅଭିନେତ୍ରୀ ସନମ ସଇଦଙ୍କ ଲୁକ ସହ ପୁରାପୁରି ଖାପ ଖାଉଛି । ଅନ୍ୟପଟେ 'ଜିନ୍ଦଗୀ ଗୁଲଜାର ହେ' ଜରିଆରେ ସନମଙ୍କୁ ଖୁବ୍ ପ୍ରଶଂସା ମିଳିଥିଲା ।
