ମୁମ୍ବାଇ: ଖିଲାଡି ଅକ୍ଷୟ କୁମାର ବର୍ତ୍ତମାନ ନିଜର ଆଗାମୀ ଫିଲ୍ମ ‘ହାଉସଫୁଲ 4’ର ପ୍ରମୋଶନରେ ବ୍ୟସ୍ତ । ସୋମବାର ଫିଲ୍ମର ଗୋଟିଏ କମେଡି ସଙ୍ଗ ରିଲିଜ ହୋଇଥିଲା । ଯାହାର ଲିରିକ୍ସ ‘ବାଲା ବାଲା ବାଲା’ ଶୁଣିବାକୁ ମିଳୁଛି । କିନ୍ତୁ ଏହି ଗୀତର ଫାଇଦା ଉଠାଇଛନ୍ତି ବଲିଉଡ ଡ୍ରିମଗାର୍ଲ ଆୟୁଷ୍ମାନ ଖୁରାନା ।
ଆଶ୍ଚର୍ଯ୍ୟ ହୋଇଗଲେ ନା । ତେବେ କଥାଟି ହେଲା କି ଏହି ଗୀତଟି ରିଲିଜ କରିବା ପୂର୍ବରୁ ହୁଏତଃ ଅକ୍ଷୟଙ୍କୁ ଜଣାନଥିଲା ସେ ‘ହାଉସଫୁଲ 4’ ଜରିଆରେ ଆୟୁଷ୍ମାନଙ୍କ ଆଗାମୀ ଫିଲ୍ମ ‘ବାଲା’ର ପ୍ରମୋଶନ କରୁଛନ୍ତି । ଏବେ ‘ବାଲା’ ଗୀତରେ ଆୟୁଷ୍ମାନଙ୍କ ଏକ ଜବରଦସ୍ତ ଭିଡିଓ ସାମ୍ନାକୁ ଆସିଛି ।
- " class="align-text-top noRightClick twitterSection" data="
">
ଗୀତ ‘ବାଲା’ ରିଲିଜ ହେବା ମାତ୍ରେ ସୋସିଆଲ ମିଡିଆରେ ଯେପରି ଛାଇ ଯାଇଥିଲା । ସେହିପରି ଆୟୁଷ୍ମାନ ଏହି ଗୀତ ସହ ନିଜ ଫିଲ୍ମ ‘ବାଲା’ର ପ୍ରଚାର କରିଛନ୍ତି । ସେ ଇନଷ୍ଟାଗ୍ରାମରେ ଏକ ମଜାଦାର ଡାନ୍ସ ଭିଡିଓ ସେୟାର କରିଛନ୍ତି । ଯେଉଁଥିରେ ସେ ଚନ୍ଦା ବ୍ୟକ୍ତି ଲୁକରେ ନଜର ଆସୁଛନ୍ତି । ଆଉ ଅକ୍ଷୟଙ୍କ ପରି ଡାନ୍ସ ମଧ୍ୟ କରୁଛନ୍ତି ।
ଏହାର କ୍ୟାପସନରେ ସେ ଲେଖିଛନ୍ତି, ‘ବାଲା କୁ ଡାକିଲ, ସେ ଆସିଗଲା । ବେଷ୍ଟ ଅଫ ଲକ ଅକ୍ଷୟ ସାର୍ ଆମେ ମଧ୍ୟ ଶୀଘ୍ର ଆସିବୁ ।’ ପ୍ରକାଶ ଥାଉକି ନିକଟରେ ଆୟୁଷ୍ମାନଙ୍କ ‘ଡ୍ରିମଗାର୍ଲ’ ରିଲିଜ ହୋଇଥିଲା । ଯାହା ଦର୍ଶକଙ୍କ ସହ କ୍ରିଟିକ୍ସଙ୍କ ମଧ୍ୟ ମନ କିଣିଥିଲା । ଆଉ ବର୍ତ୍ତମାନ ସେ ‘ବାଲା’ ଫିଲ୍ମ ରିଲିଜ କରିବାକୁ ମଧ୍ୟ ପ୍ରସ୍ତୁତ ହୋଇସାରିଲେଣି । ଜଣେ ଚନ୍ଦା ବ୍ୟକ୍ତିର ମଜାଦାର କାହାଣୀ ଉପରେ ଆଧାରିତ ଏହି ଫିଲ୍ମ । ଆୟୁଷ୍ମାନଙ୍କ ସହ ଫିଲ୍ମରେ ଭୂମି ପେଡନେକର ନଜର ଆସିବେ ।
