ମୁମ୍ବାଇ: ବଲିଉଡ଼ର 'ଖିଲାଡ଼ି' ଅକ୍ଷୟ କୁମାର ଆକ୍ସନ ଫିଲ୍ମ ସହିତ କମେଡ଼ି ଫିଲ୍ମକୁ ନେଇ ରହିଥାନ୍ତି ଚର୍ଚ୍ଚାରେ । ଅକ୍ଷୟଙ୍କ କମେଡ଼ି ଅନ୍ଦାଜଙ୍କୁ ମଧ୍ୟ ଖୁବ ପସନ୍ଦ କରନ୍ତି ଦର୍ଶକ । ଏବେ 'ଅତରଙ୍ଗି ରେ' ଫିଲ୍ମର ପ୍ରମୋସନ ପାଇଁ ଅକ୍ଷୟଙ୍କୁ 'ଦ କପିଲ ଶର୍ମା ଶୋ'ରେ ଦେଖିବାକୁ ମିଳିଥିଲା । ଏଥିରେ ସେ ବିକି କୌଶଲ ଓ କ୍ୟାଟ୍ରିନା କୈଫଙ୍କ ବିବାହକୁ ନେଇ ଏକ ଜୋକ୍ ମାରିଥିଲେ । ଯାହାକୁ ନେଇ ଶୋ'ରେ ଉପସ୍ଥିତ କଳାକାରଙ୍କ ସହିତ ଦର୍ଶକ ଖୁବ ଜୋରରେ ହସିଥିବା ଦେଖିବାକୁ ମିଳିଥିଲା ।
ଏହା ବି ପଢନ୍ତୁ: ପଳାତକ ମଦ ବ୍ୟବସାୟୀ Vijay Mallyaଙ୍କ ଉପରେ ନିର୍ମାଣ ହେବ ୱେବ ସିରିଜ
ଶୋ'ରେ ଓକିଲ ଭୂମିକାରେ ଅଭିନୟ କରୁଥିବା ହାସ୍ୟ କଳାକାର କିକୁ ଶାରଦା 'ଅତରଙ୍ଗି ରେ' ଫିଲ୍ମର ଟିମ ଆଗରେ ବିକି ଓ କ୍ୟାଟ୍ଙ୍କ ବିବାହକୁ ନେଇ ଏକ ଜୋକ୍ ମାରିଥିଲେ । ତେବେ ତାଙ୍କ ସାଥ୍ ଦେଇଥିଲେ ଅକ୍ଷୟ । କିକୁ କହିଥିଲେ ଯେ, "ଏକ୍ ଶାଦି ମେ ମେଁ ଗୟା ଥା ଔର ସବକୁଛ କୌଶଲ ମଙ୍ଗଲ ସେ ହୋ ଗୟା ।" ଏହାପରେ ଅକ୍ଷୟ କହିଥିଲେ ଯେ, "ଆପନେ କିଟ କ୍ୟାଟ୍ ଭି ଖାୟା ହୋଗା ୱହାଁ ।" ଅକ୍ଷୟଙ୍କ ଏହି ଜୋକ୍ ଶୁଣି ସମସ୍ତେ ଖୁବ୍ ଜୋରରେ ହସିଥିବା ଦେଖିବାକୁ ମିଳିଥିଲା ।
ସୂଚନା ଥାଉ କି ଡିସେମ୍ବର ୯ ତାରିଖରେ ବିବାହ ପରେ ବିକି କାମକୁ ଫେରିଥିବା ବେଳେ କ୍ୟାଟ୍ରିନା ମଧ୍ୟ ୨୦୨୨ରେ ଫିଲ୍ମ 'ଟାଇଗର-୩'ର ସୁଟିଂ ଆରମ୍ଭ କରିବେ ବୋଲି ଜଣାପଡ଼ିଛି । କ୍ୟାଟ୍ ବଲିଉଡ଼ ସୁପରଷ୍ଟାର ସଲମାନଙ୍କ ସହିତ ଦିଲ୍ଲୀରେ ଏହି ସୁଟିଂ ଆରମ୍ଭ କରିବେ । ଏହା ପୂର୍ବରୁ ଏହି କପଲ୍ ଡିସେମ୍ବର ୧୯ ତାରିଖରେ ମୁମ୍ବାଇରେ ଏକ ଗ୍ରାଣ୍ଡ ରିସେପ୍ସନ ପାର୍ଟି ରଖିଥିବା ଜଣାପଡ଼ିଛି । ଏଥିରେ ବଲିଉଡ଼ର ବହୁ ସୁନାମଧନ୍ୟ ବ୍ୟକ୍ତିତ୍ବ ହେବେ ସାମିଲ ।
ବ୍ୟୁରୋ ରିପୋର୍ଟ, ଇଟିଭି ଭାରତ
