ମୁମ୍ବାଇ: ଖିଲାଡୀ ଅକ୍ଷୟ କୁମାରଙ୍କ ବହୁ ଚର୍ଚ୍ଚିତ କମେଡି ‘ହାଉସଫୁଲ-4’ର ଦ୍ବିତୀୟ ଗୀତ ‘ସଇତାନ କା ସାଲା’ ସୋମବାର ରିଲିଜ ହୋଇଯାଇଛି । ଏହି ଗୀତର ଜବରଦସ୍ତ ଭିଡିଓ ଦେଖି ଅକ୍ଷୟଙ୍କ ଭୂମିକା ବାଲା ବିଷୟରେ ଦର୍ଶକ ଜାଣିପାରିଛନ୍ତି । ଆପଣ ମଧ୍ୟ ଏହି ଗୀତ ଦେଖି ସଇତାନର ସାଲାଙ୍କୁ ବଡ ପରଦାରେ ସାକ୍ଷାତ କରିବାକୁ ବ୍ୟାକୁଳ ହୋଇଯିବେ ।
- " class="align-text-top noRightClick twitterSection" data="">
ମଲ୍ଟି ଷ୍ଟାରର ଫିଲ୍ମ ‘ହାଉସଫୁଲ 4’ ଅକ୍ଟୋବର 25ରେ ରିଲିଜ ହେବାକୁ ଯାଉଛି । ଫିଲ୍ମଟି ସାଜିଦ ନାଦିୟାଦୱାଲାଙ୍କ ନାଦିୟାଦୱାଲା ଗ୍ରାଣ୍ଡସନ ଏଣ୍ଟରଟେନମେଣ୍ଟ ଦ୍ବାରା ପ୍ରସ୍ତୁତ ଏବଂ ନିର୍ମାଣ ହୋଇଛି । ଅନ୍ୟପଟେ ଫିଲ୍ମର ସହ-ନିର୍ମାଣ ଫକ୍ସ ଷ୍ଟାର ଷ୍ଟୁଡିଓ ଦ୍ବାରା କରାଯାଇଛି ।
ନିକଟରେ ରିଲିଜ ହୋଇଥିବା ଫିଲ୍ମର ଦମଦାର ଟ୍ରେଲରକୁ ଖୁବ୍ ପସନ୍ଦ କରିଥିଲେ ଦର୍ଶକ । ରିଲିଜ ହେବା ମାତ୍ରେ ଟ୍ରେଲରଟି ଯେପରି ୟୁଟ୍ୟୁବରେ ଛାଇ ଯାଉଥିଲା । ବର୍ତ୍ତମାନ ‘ସାଇତାନ କା ସାଲା’ ଗୀତଟି ମଧ୍ୟ ୟୁଟ୍ୟୁବରେ ଟ୍ରେଣ୍ଡ କରୁଛି । କମେଡିରେ ଭରପୁର ‘ସାଇତାନ କା ସାଲା’ ଗୀତକୁ ଦେଖି ଆପଣ ହସି ହସି ବେହାଲ ହୋଇଯିବେ ।
ପ୍ରକାଶ ଥାଉକି ଫରହାଦ ସାମଜୀଙ୍କ ଦ୍ବାରା ନିର୍ଦ୍ଦେଶିତ ‘ହାଉସଫୁଲ 4’ ଫିଲ୍ମରେ ଅକ୍ଷୟଙ୍କ ବ୍ୟତୀତ କ୍ରିତି ସାନନ, ରିତେଶ ଦେଶମୁଖ, କ୍ରିତି ଖରବନ୍ଦା, ବବି ଦେଓଲ ଓ ପୂଜା ହେଗଡେ ଭଳି କଳାକାରଙ୍କ କମେଡି ଦେଖିବାକୁ ପାଇବେ ଦର୍ଶକ ।
ଖାଲି ଏତିକି ନୁହେଁ ଫିଲ୍ମର କାହାଣୀ ଦୁଇଟି ଭାଗରେ ଦେଖିବାକୁ ମିଳିବ । ଗୋଟିଏ ପଟେ 600 ବର୍ଷର ରାଜାମହାରାଜଙ୍କ କାହାଣୀ ପର୍ଯ୍ୟବେଶିତ ହୋଇଥିବା ବେଳେ ଆଉ ଏକ ଭାଗରେ ବର୍ତ୍ତମାନର କାହାଣୀ ରହିଅଛି ।
