ମୁମ୍ବାଇ: ସାଉଥ ସୁପରଷ୍ଟାର ରଜନୀକାନ୍ତଙ୍କ ପରେ ଏବେ ଡିସ୍କୋଭରି ଚ୍ୟାନେଲରେ ନଜର ଆସିବେ ଖିଲାଡି ଅକ୍ଷୟ କୁମାର । ଯାହାକୁ ନେଇ ଉତ୍ସାହିତ ତାଙ୍କ ପ୍ରଶଂସକ । ଡିସ୍କଭରି ଚ୍ୟାନେଲରେ ପ୍ରସାରିତ ହେଉଥିବା ଫେମସ ଶୋ ‘ମ୍ୟାନ ଭସେସ ୱାର୍ଲ୍ଡ’ରେ ଦେଖାଯିବେ । ଯାହାକ ସୁଟିଂ ସେ ଗୁରୁବାର ବିୟର ଗ୍ରାଲ୍ସଙ୍କ ସହ କର୍ଣ୍ଣାକଟର ବାନ୍ଦୀପୁର ଜାତୀୟ ବ୍ୟାଘ୍ର ପ୍ରକଳ୍ପରେ ସୁଟିଂ ଶେଷ କରିଛନ୍ତି । ଏହାର ସୂଚନା ଜଣେ ଅଧିକାରୀ ଦେଇଛନ୍ତି ।
ଚିଫ ୱାଇଲ୍ଡ ଲାଇଫ ୱାର୍ଡନ ସଞ୍ଜୟ ମୋହନ ଏକ ସାକ୍ଷାତକାରରେ କହିଥିଲେ ଯେ ଅକ୍ଷୟ ଡିସ୍କଭରି ଚ୍ୟାନେଲର ଏକ କାର୍ଯ୍ୟକ୍ରମ ପାଇଁ ଗୁରୁବାର ବାନ୍ଦୀପୁରରେ ଗୋଟିଏ ଦିନ ସୁଟିଂ କରିଥିଲେ । ଡିସ୍କୋଭରି ଚ୍ୟାନେଲ 28 ଜାନୁଆରୀରୁ 30 ଜାନୁଆରୀ ପର୍ଯ୍ୟନ୍ତ ସୁଟିଂ ପାଇଁ ଅନୁମତି ମାଗିଥିଲେ ।
ରଜନୀକାନ୍ତ ଓ ଅକ୍ଷୟଙ୍କ ସହ ଗୋଟିଏ ଗୋଟିଏ ଦିନ ସୁଟିଂ କରାଯାଇଥିଲା । ଡିସ୍କୋଭରି ଟିମ ତାଙ୍କ ଅଫିସ ଆସିଥିଲେ । ତାଙ୍କୁ କୁହାଯାଇଥିଲା ଯେ ନିୟମକୁ କଡା ରୂପେ ପାଳନ କରାଯିବ । ଯଦି ସେମାନେ ନିୟମକୁ ଅଣଦେଖା କରୁଛନ୍ତି । ଆମ ପକ୍ଷରୁ ସୁଟିଂ ବନ୍ଦ କରାଯିବ ବୋଲି କହିଥିଲେ ମୋହନ ।
