ମୁମ୍ବାଇ: ଖିଲାଡି ଅକ୍ଷୟ କୁମାରଙ୍କ ବହୁପ୍ରତିକ୍ଷିତ ଫିଲ୍ମ ‘ସୂର୍ଯ୍ୟବଂଶୀ’ର ଟ୍ରେଲର ଆଜି ରିଲିଜ ହୋଇଯାଇଛି। 4 ମିନିଟ 15 ସେକେଣ୍ଡର ଏହି ଟ୍ରେଲର ଫ୍ୟାନ୍ସଙ୍କ ମନ କିଣିବାରେ ସଫଳ ହୋଇଛି। ଫିଲ୍ମର ଷ୍ଟାରକାଷ୍ଟ ମଧ୍ୟ ଟ୍ରେଲର ଲଞ୍ଚିଂରେ ବିନ୍ଦାସ ଅନ୍ଦାଜରେ ନଜର ଆସିଛନ୍ତି। ଫିଲ୍ମ ମୁମ୍ବାଇରେ ଏଯାବତ ହୋଇଥିବା ଆତଙ୍କବାଦୀ ଆକ୍ରମଣ କାହାଣୀକୁ ନେଇ ଆଧାରିତ ।
ଟ୍ରେଲର ଲଞ୍ଚିଂ ଅବସରରେ ମିଡିଆ ସହ କଥାବାର୍ତ୍ତା କରୁଥିବା ବି-ଟାଉନର ସିଂଘମ ଅଜୟ ଦେବଗନଙ୍କୁ ଅଭିନେତା ସୈଫ ଅଲ୍ଲୀ ଖାନଙ୍କ ଉପରେ ପ୍ରଶ୍ନ କରାଯାଇଥିଲା । କିଛି ଦିନ ହେବ ଶୁଣିବାକୁ ମିଳୁଛି ଯେ ଅଜୟ ଓ ସୈଫଙ୍କ ମଧ୍ୟରେ କିଛି ଠିକ୍ ଚାଲିନାହିଁ। ଏହି ପ୍ରଶ୍ନ ଉପରେ ଅଜୟ କହିଛନ୍ତି ହଁ ସୈଫଙ୍କ ଉପରେ ବହୁତ ରାଗିଥିଲା । ଆଉ ତାଙ୍କ ଘରକୁ ଯାଇ ତାଙ୍କୁ ଖୁବ୍ ମାଡ ମାରିଥିଲେ । ଯାହାଦ୍ବାରା ନିରହ ସୈଫଙ୍କ ହାତଗୋଡ ଭାଙ୍ଗିଯାଇଥିଲା। ବର୍ତ୍ତମାନ ସେ ଚାଲିପାରୁନାହାଁନ୍ତି। ଏହି କଥା ଶୁଣି ଆପଣ ମଧ୍ୟ ଆଶ୍ଚର୍ଯ୍ୟ ହୋଇଗଲେ ନା। ତେବେ ଆସନ୍ତୁ ଜାଣିବା ଅଜୟ ଏପରି କାହିଁକି କହିଲେ...
କଥାଟି ହେଲା ଯେ ମିଡିଆ ସବୁବେଳେ ସାମାନ୍ୟ ଖବରକୁ ଅନେକ ମସଲା ଲାଗଇ ପ୍ରସ୍ତୁତ କରୁଛନ୍ତି । ଯାହା ଉପରେ ଅଜୟ କହିଛନ୍ତି ଏପରି ଖବର ତାଙ୍କୁ ମିଳୁଛି କେଉଁଠାରୁ। ଏପରି ଖବର ଉପରେ ତାଙ୍କ ପାଖରେ ଶବ୍ଦ ନାହିଁ କିଛି କହିବାକୁ। ଅଜୟଙ୍କ ବ୍ୟତୀତ ଅକ୍ଷୟ ମଧ୍ୟ ଏହି କଥାକୁ ନେଇ ମିଡିଆ ଉପରେ ଖପ୍ପା ନଜର ଆସିଛନ୍ତି।
