ହାଇଦ୍ରାବାଦ: ଭାରତ ଫିଲ୍ମର ଆଉ ଏକ ନୂଆ ଗୀତ ଏଥେ ଆ ରିଲିଜ ହୋଇଛି । ଗୀତଟିକୁ 80 ଦଶକର ବିବାହ ଗୀତ ଭଳି କୋରିଓଗ୍ରାଫି କର।ଯାଇଛି । ଗୀତରେ 1983ରେ ଭାତର ୱାର୍ଲ୍ଡ କପ ଜିତିଲା ପରେ ସଲମାନ, କ୍ୟାଟଙ୍କୁ ନିଜ ଦିଲ ଦେଇସାରିଛନ୍ତି, ସେଇ ସମୟକୁ ଗୀତ ମାଧ୍ୟମରେ ବର୍ଣ୍ଣନା କରାଯାଇଛି । ତେବେ ଗୀତରେ ଭାଙ୍ଗଡା ବିଟ ସହ କ୍ୟାଟଙ୍କ ସହ ରୋମାନ୍ସ କରିଛନ୍ତି ସଲମାନ ।
ସଲମାନ ନିଜ ଟ୍ବିଟରରେ ଏହି ଗୀତକୁ ସେୟାର କରିଛନ୍ତି । ସଲମାନ ଖାନଙ୍କ ସହ ସୁନୀଲ ଗ୍ରୋଭରଙ୍କୁ ମଧ୍ୟ ଦେଖିବାକୁ ମିଳିଛି । ଗୀତରେ କ୍ୟାଟ୍ରିନାଙ୍କୁ ପିଙ୍କ ଶାଢୀରେ ଓ ସଲମାନଙ୍କୁ ବ୍ଲାକ ସର୍ଟରେ ଦେଖିବାକୁ ମିଳିଛି । ଗୀତଟିକୁ ପଞ୍ଜାବି ଟ୍ରାକରେ ଡିଜିଟାଲ ଟ୍ବିଷ୍ଟ ଦେଇଛନ୍ତି ବିଶାଲ-ଶେଖର । ଗୀତକୁ ଗାଇଛନ୍ତି ଆକାଶ ସିଂହ, ନିତି ମୋହନ ଓ କମଲ ଖାନ ।
ଭାରତ ଫିଲ୍ମରେ ପ୍ରାୟ 46 ବର୍ଷର ଯାତ୍ରା ଦେଖିବାକୁ ମିଳିବ । ଏଥିରେ ସଲମାନଙ୍କର ବିଭିନ୍ନ ଅବତାର ରହିଛି । ଫିମେଲ ଲିଡରେ ଅଛନ୍ତି କ୍ୟାଟ୍ରିନା କୈଫ । ଫିଲ୍ମକୁ ନିର୍ଦ୍ଦେଶନା ଦେଇଛନ୍ତି ଅଲି ଅବାଜ ଜଫର ଓ ପ୍ରଯୋଜନା ଦେଇଛନ୍ତି ଅତୁର ଅଗ୍ନିହୋତ୍ରୀ, ଭୂଷଣ କୁମାର ଓ କ୍ରିଷ୍ଣା କୁମାର । ଜୁନ 5ରେ ଫିଲ୍ମଟି ପରଦା ଉପରକୁ ଆସିବ ।
