ମୁମ୍ବାଇ: ‘ୱାର’ ଭଳି ସୁପରହିଟ୍ ଫିଲ୍ମରେ ନିର୍ଦ୍ଦେଶନା ଦେଇଥିବା ନିର୍ଦ୍ଦେଶକ ସିଦ୍ଧାର୍ଥ ଆନନ୍ଦ ଖୁବଶୀଘ୍ର ଏକ ବଡ ପ୍ରୋଜେକ୍ଟ ନେଇ ଫେରିବେ । ଯେଉଁଥିରେ କିଙ୍ଗ ଖାନ ଶାହରୁଖ ମୁଖ୍ୟ ଭୂମିକାରେ ଅଭିନୟ କରୁଥିବାର ଦେଖାଯିବେ । ଏହି ଫିଲ୍ମର ଟାଇଟେଲ ହେଲା ‘ପଠାନ’ । ନିକଟରେ ଶାହରୁଖ ଏହାର ସୁଟିଂ ମଧ୍ୟ ଆରମ୍ଭ କରିଥିଲେ ବୋଲି ଚର୍ଚ୍ଚା ଜୋର ଧରିଥିଲା । ଖାଲି ଏତିକି ନୁହେଁ କିଛି ଦିନ ପୂର୍ବରୁ ଶୁଣିବାକୁ ମିଳୁଥିଲା ଯେ ଫିଲ୍ମରେ ସଲମାନ ଖାନ ମଧ୍ୟ ଅତିଥି ଅଭିନେତା ରୂପେ ନଜର ଆସିବେ । ଇତିମଧ୍ୟରେ ଫିଲ୍ମରେ ଆଉ ଜଣେ ସୁପରଷ୍ଟାର ସାମିଲ ହେବା କଥା ବର୍ତ୍ତମାନ ଚର୍ଚ୍ଚାର ବିଷୟ ପାଲଟିଛି ।
ଆଜ୍ଞା ହଁ, ଶୁଣିବାକୁ ମିଳୁଛି ଯେ ‘ପଠାନ’ରେ ସୁପରଷ୍ଟାର ହ୍ରିତିକ ରୋଶନ ମଧ୍ୟ ନଜର ଆସିବେ । ଫିଲ୍ମରେ ତାଙ୍କୁ ସାମିଲ କରିବା ପାଇଁ କଥାବାର୍ତ୍ତା ଚଳାଇଛନ୍ତି ମେକର୍ସ । ସେହିପରି ସିଦ୍ଧାର୍ଥ ପୂର୍ବରୁ ହ୍ରିତିକଙ୍କ ସହ ‘ୱାର’ରେ କାମ କରିସାରିଛନ୍ତି । ତେଣୁ ସେ ଚାହୁଁଛନ୍ତି ‘ପଠାନ’ରେ କବୀର ଭୂମିକାରେ ହ୍ରିତିକ ଅଭିନୟ କରନ୍ତୁ । ଯଦି ସବୁ କିଛି ଠିକ୍ ରହିଲା ତେବେ ପ୍ରଥମଥର ପରଦାରେ ଏହି ତିନି ସୁପରଷ୍ଟାରଙ୍କୁ ଦେଖିବାକୁ ମିଳିବ ।
ପ୍ରକାଶ ଥାଉକି ଏଥର ଶାହରୁଖଙ୍କ ସହ ରୋମାନ୍ସ କରିବେ ଦୀପିକା ପାଦୁକୋନ । ସେହିପରି ଫିଲ୍ମରେ ପପୁଲାର ଆକ୍ଟର ଜନ ଅବ୍ରାହିମଙ୍କ ଦମଦାର ଅଭିନୟ ମଧ୍ୟ ଦେଖିବା ମିଳିବ । ହୁଏତଃ ଏହା ଏକ ମଲ୍ଟି ଷ୍ଟାରର ଫିଲ୍ମ ସାବ୍ୟସ୍ତ ହୋଇପାରେ ।
