ମୁମ୍ବାଇ: ନିଜର ଶାନଦାର ଅଭିନୟ ପାଇଁ ଜଣାଶୁଣା ଅଭିନେତ୍ରୀ ରାଧିକା ଆପ୍ଟେ । ବଲିଉଡ ବ୍ୟତୀତ ରାଧିକା ହଲିଉଡରେ ମଧ୍ୟ ନିଜ ଭାଗ୍ୟ ପରୀକ୍ଷା କରିସାରିଛନ୍ତି । ଆଉ ସେ ଜଲଦି ହଲିଉଡ ଫିଲ୍ମ 'Liberty: A Call to Spy'ରେ ନଜର ଆସିବେ । ଏହି ଫିଲ୍ମରେ ରାଧିକା ଜଣେ ବ୍ରିଟିଶ ଜାସୁସ ନୁର ଇନାୟତ ଖାନଙ୍କ ଭୂମିକାରେ ଅଭିନୟ କରୁଥିବାର ଦେଖାଯିବେ।
ନିକଟରେ ସେ ଏହି ପ୍ରୋଜେକ୍ଟ ବିଷୟରେ ମିଡିଆ ସହ କଥାବାର୍ତ୍ତା କରିଥିଲେ । ଆଉ ହଲିଉଡ ଏବଂ ବଲିଉଡ ମଧ୍ୟରେ ଥିବା ପାର୍ଥକ୍ୟ ବଖାଣିଥିଲେ । ମିଡିଆ ଯେତେବେଳେ ତାଙ୍କୁ ପ୍ରଶ୍ନ କରିଥିଲା କି ହଲିଉଡ ଓ ବଲିଉଡରେ କଣ ପାର୍ଥକ୍ୟ ଅଛି । ତେବେ ସେ ସଙ୍ଗେ ସଙ୍ଗେ କହିଥିଲେ କି ହଲିଉଡରେ କଳାକାର ନିଜ କାମ ଏବଂ ସମୟକୁ ନେଇ ଖୁବ୍ ଯତ୍ନବାନ । ସେଠାରେ ଆପଣଙ୍କୁ ଟଙ୍କା ମାଗିବାକୁ ପଡିନଥାଏ । କିନ୍ତୁ ବଲିଉଡରେ ଏହାର ବିପରୀତ ଜିନିଷ ଦେଖିବାକୁ ମିଳିଥାଏ।
ପ୍ରକାଶ ଥାଉକି ରାଧିକା ବି-ଟାଉନର କ୍ୟୁଟ ଅଭିନେତା ଶାହିଦ କପୁରଙ୍କ ଫିଲ୍ମ 'ଲାଇଫ ହୋ ତେ ଐସେ'ରୁ ବଲିଉଡରେ ପଦାର୍ପଣ କରିଥିଲେ । ଏହାପରେ ସେ ହିନ୍ଦୀ ବ୍ୟତୀତ ତାମିଲ, ତେଲୁଗୁ, ମଲୟାଲମ, ବଙ୍ଗାଳୀ ଏବଂ ମରାଠୀ ଫିଲ୍ମରେ ମଧ୍ୟ କାମ କରିସାରିଛନ୍ତି । ଏହାସହ ସେ ଡିଜାଟଲ ପ୍ଲାଟଫର୍ମରେ ମଧ୍ୟ ଡେବ୍ୟୁ କରିସାରିଛନ୍ତି । 'ସାକ୍ରେଡ ଗେମ୍ସ' ଏବଂ 'ଘୋଲ' ଭଳି ୱେବ ସିରିଜରେ ଅଭିନୟ କରି ସଫଳ ହୋଇପାରିଛନ୍ତି ।
