ମୁମ୍ବାଇ: ଶେଷଥର ବରୁଣ ଧୱନଙ୍କୁ କମେଡି ଡ୍ରାମା ଫିଲ୍ମ ‘କୁଲି ନଂ 1’ରେ ଦେଖିବାକୁ ମିଳିଥିଲା । ଆଉ ଖୁବଶୀଘ୍ର ସେ ନିଜର ହରର ଡ୍ରାମା ଫିଲ୍ମ ‘ବେହଡିୟା’ ନେଇ ଫେରିବେ । ସରିଯାଇଛି ତାଙ୍କ ବିବାହ ଛୁଟି । ଆରମ୍ଭ କରିବେ ‘ବେହଡିୟା’ର ସୁଟିଂ। ପୁଣିଥରେ ଏହି ଫିଲ୍ମରେ ତାଙ୍କ ‘ଦିଲୱାଲେ’ର ପାର୍ଟନର କିର୍ତ୍ତୀ ସାନନ ନଜର ଆସିବେ । ଇତିମଧ୍ୟରେ ସାମ୍ନାକୁ ଆସିଛି ଫିଲ୍ମର ରିଲିଜ ଡେଟ ।
କିର୍ତ୍ତୀ ରବିବାର ଫିଲ୍ମ ରିଲିଜ ହେବାର ସୂଚନା ଫ୍ୟାନ୍ସଙ୍କୁ ଇନଷ୍ଟାଗ୍ରାମରେ ଦେଇଥିଲେ । ଏହାସହ ସେ ଫିଲ୍ମର ଏକ ଟିଜର ମଧ୍ୟ ପୋଷ୍ଟ କରିଛନ୍ତି।
- " class="align-text-top noRightClick twitterSection" data="
">
ସେହିପରି ସେ ଏହାର କ୍ୟାପସନରେ ଲେଖିଛନ୍ତି, ‘ସ୍ତ୍ରୀ ଏବଂ ରୁହିକୁ ବେହଡିୟାର ପରିଣାମ । 2022 ଏପ୍ରିଲ 14ରେ ଆସିବ ଫିଲ୍ମ ।’ ପ୍ରକାଶ ଥାଉକି ‘ସ୍ତ୍ରୀ’ ମେକର୍ସ ଏହି ଫିଲ୍ମର ନିର୍ମାଣ କରୁଥିବା ବେଳେ ଅମର କୌଶିକ ଏହାର ନିର୍ଦ୍ଦେଶନା ଦାୟିତ୍ବ ତୁଲାଉଛନ୍ତି । ସୁପରନ୍ୟାଚୁରାଲ କାହାଣୀକୁ ନେଇ ଆଧାରିତ ଫିଲ୍ମ ।
ଯଦି କିର୍ତ୍ତୀଙ୍କୁ ଆଗାମୀ ପ୍ରୋଜେକ୍ଟ ବିଷୟରେ କଥା ହେବା ତାହାଲେ ସେ ସୁପରଷ୍ଟାର ଅକ୍ଷୟ କୁମାରଙ୍କ ଆଗାମୀ ଫିଲ୍ମ ‘ବଚ୍ଚନ ପାଣ୍ଡେ’ରେ ନଜର ଆସିବେ । ଏହାବ୍ୟତୀତ ସେ ‘ମିମି’ ଫିଲ୍ମରେ ମଧ୍ୟ ଦେଖାଯିବେ ।
@IANS
