ମୁମ୍ବାଇ: ରବିବାର କୋରୋନା ସଂକ୍ରମିତ ହେବା ସୂଚନା ଦେଇଥିବା ଅକ୍ଷୟ କୁମାରଙ୍କ ଚିକିତ୍ସା ବର୍ତ୍ତମାନ ମୁମ୍ବାଇର ପୋୱାଇରେ ଥିବା ହିରାନନ୍ଦାନୀ ହସ୍ପିଟାଲରେ କରାଯାଉଛି । ସେ ସୁସ୍ଥ ଅଛନ୍ତି ବୋଲି ହସ୍ପିଟାଲର ଷ୍ଟାଫ କହିଛନ୍ତି । ଇତିମଧ୍ୟରେ ତାଙ୍କ ଆଗାମୀ ଫିଲ୍ମ ‘ରାମସେତୁ’ର ଦୁଇ ଅଭିନେତ୍ରୀ ଜ୍ୟାକଲିନ ଫର୍ଣ୍ଣାଡେଜ ଓ ନୁସରତ ଭରୁଚାଙ୍କୁ ନେଇ ନୂଆ ଖବର ଶୁଣିବାକୁ ମିଳୁଛି ।
ଦୁଇ ଅଭିନେତ୍ରୀ ବର୍ତ୍ତମାନ ଆଇସୋଲେସନରେ ନିଜକୁ ରଖିଛନ୍ତି । ଆଉ ଖୁବଶୀଘ୍ର ଦୁହେଁ କୋରୋନା ଟେଷ୍ଟ ମଧ୍ୟ କରିବେ । କାରଣ ଅକ୍ଷୟଙ୍କ ପରେ ‘ରାମସେତୁ’ର 45 ଜଣ ଜୁନିଅର ଆର୍ଟିଷ୍ଟଙ୍କ କୋରୋନା ରିପୋର୍ଟ ପଜିଟିଭ ଆସିଥିଲା । ଯାହାକୁ ଆଧାର କରି ଫିଲ୍ମର ସୁଟିଂ ବର୍ତ୍ତମାନ ସ୍ଥିଗତ ରଖିଛନ୍ତି ମେକର୍ସ ।
ପ୍ରକାଶ ଥାଉକି କେବଳ ଅକ୍ଷୟଙ୍କ ସହ ଜ୍ୟାକଲିନ ଓ ନୁସରତ ନିକଟରେ ଫିଲ୍ମର ସୁଟିଂ ଆଗ୍ରାରେ ଆରମ୍ଭ କରିଥିଲେ ।
