ମୁମ୍ବାଇ: ବର୍ତ୍ତମାନ ନିର୍ମାତା ଶକୁନ ବାତ୍ରାଙ୍କ ଅପକମିଂ ଫିଲ୍ମ ସୁଟିଂରେ ବ୍ୟସ୍ତ ଅଛନ୍ତି ଦୀପିକା ପାଦୁକୋନ ଓ ସିଦ୍ଧାନ୍ତ ଚତୁର୍ବେଦୀ । ନିକଟରେ ଫିଲ୍ମର ସୁଟିଂ ଗେଟୱେ ଅଫ୍ ଇଣ୍ଡିଆ ପାଖରେ କରାଯାଇଥିଲା । ଯାହାର ଅନେକ ଫଟୋ ସୋସିଆଲ ମିଡିଆରେ ଖୁବ୍ ଦେଖିବାକୁ ମିଳିଥିଲା । ଆଉ ଏବେ ଏହାର ସୁଟିଂ ପାଇଁ ପୁରା ଟିମ ସହ ଆଲିବାଗରେ ପହଞ୍ଚିଛନ୍ତି ଦୀପିକା । ବୋଟ ଜରିଆରେ ଆଲିବାଗକୁ ଯାତ୍ରା କରିଛନ୍ତି ଷ୍ଟାରକାଷ୍ଟ । ଦୀପିକା ଓ ସିଦ୍ଧାନ୍ତଙ୍କ ବ୍ୟତୀତ ଫିଲ୍ମରେ ‘ଖାଲି ପିଲି’ ଅଭିନେତ୍ରୀ ଅନନ୍ୟା ପାଣ୍ଡେ ମଧ୍ୟ ନଜର ଆସିବେ ।
ଇନଷ୍ଟାଗ୍ରାମରେ ଫଟୋ ସେୟାର କରି ସିଦ୍ଧାନ୍ତ ଲେଖିଛନ୍ତି । ‘ଅନ ଏ ରୋଲ ।’ ସେହିପରି ଫଟୋରେ ଦେଖିବାକୁ ମିଳୁଛି ବୋଟରେ ଠିଆ ହୋଇ ସିଦ୍ଧାନ୍ତ କ୍ୟାମେରା ଧରି କାହାର ଫଟୋ ଉଠାଉଥିବାର । ଏହାପୂର୍ବରୁ ସେ ମୁମ୍ବାଇର ସୂର୍ଯ୍ୟାସ୍ତ ଦୀପିକା ଓ ଶକୁନଙ୍କ ସହ ଏନଜୟ କରୁଥିବାର ନଜର ଆସିଥିଲେ । ଏବେ ଦେଖନ୍ତୁ ତାଙ୍କର ନୂଆ ଫଟୋ...
- " class="align-text-top noRightClick twitterSection" data="
">
ପ୍ରକାଶ ଥାଉକି ଗତ ସେପ୍ଟେମ୍ବର ମାସରେ ଫିଲ୍ମର ସୁଟିଂ ଗୋଆରେ ଚାଲିଥିଲା । ହେଲେ ବଲିଉଡ ଡ୍ରଗ୍ସ ମାମଲାରେ ଦୀପିକାଙ୍କ ନାମ ଆସିବା ପରେ ତାଙ୍କୁ ସୁଟିଂ ଅଧାରେ ଛାଡି ମୁମ୍ବାଇ ଫେରିବାକୁ ପଡିଥିଲା । ଆଉ ଏନସିବିର ପଚରାଉଚରା ପରେ ସେ ପୁଣି ସୁଟିଂକୁ ଫେରିଥିଲେ ।
ବ୍ୟୁରୋ ରିପୋର୍ଟ, ଇଟିଭି ଭାରତ
