ମୁମ୍ବାଇ: ସୁଶାନ୍ତ ସିଂ ରାଜପୁତ ମାମଲାରେ ବିହାର ପୋଲିସ ଟିମର ନେତୃତ୍ବ ନେବାକୁ ବିହାରରୁ ମୁମ୍ବାଇରେ ପହଞ୍ଚିଥିବା ଏସପି ସିଟି ବିନୟ ତିୱାରୀଙ୍କୁ ବିଏମସି କ୍ବାରେଣ୍ଟାଇନରେ ରଖିଛି। ଏହି ମାମଲାରେ ଏବେ ବିହାର ମୁଖ୍ୟମନ୍ତ୍ରୀ ନୀତିଶ କୁମାରଙ୍କ ବୟାନ ସାମ୍ନାକୁ ଆସିଛି । ସେ ଏହି ଘଟଣାର କଡା ନିନ୍ଦା କରିଛନ୍ତି ।
ସେ କହିଛନ୍ତି ଯେ ସୁଶାନ୍ତଙ୍କ ମାମଲା ରାଜନୀତି ନୁହେଁ । ଯାହା ହୋଇଛି ତାହା ଆଦୌ ଠିକ୍ କଥା ନୁହେଁ । ଏହି ମାମଲାରେ ବିହାର ଡିଜିପି ସେଠାର ଅଧିକାରୀଙ୍କ ସହ ଆଲୋଚନା କରିବେ।
ସେପଟେ ବିଏମସି ମଧ୍ୟ ନିଜ ପକ୍ଷ ରଖିଛି । ବିଏମସି କହିଛି ଯେ ମୁମ୍ବାଇ ଏୟାରପୋର୍ଟରେ ଘରୋଇ ଆଗମନ ନିର୍ଦ୍ଦେଶାବଳୀ ଅନୁଯାୟୀ ବିନୟ ତିୱାରୀଙ୍କୁ କ୍ବାରେଣ୍ଟାଇନ କରାଯାଇଛି। ନିୟମ ଅନୁଯାୟୀ ଯଦି କୌଣସି ବ୍ୟକ୍ତି ଅନ୍ୟ ରାଜ୍ୟରୁ 5 ଦିନରୁ ଅଧିକ ସମୟ ରହିବା ପାଇଁ ଫ୍ଲାଇଟରେ ଆସୁଛନ୍ତି ତେବେ ମୁମ୍ବାଇରେ ତାଙ୍କୁ କ୍ବାରେଣ୍ଟାଇନ କରାଯାଉଛି । ଏହି ନିୟାମବଳୀ ଅନୁଯାୟୀ ବିଏମସି ବିନୟଙ୍କୁ କ୍ବାରେଣ୍ଟାଇନ କରିଛନ୍ତି।
