ମୁମ୍ବାଇ: ବଲିଉଡର ଆନ୍ନା ସୁନୀଲ ସେଟ୍ଟୀଙ୍କ ଲାଡଲା ଅହାନ ସେଟ୍ଟୀଙ୍କ ଡେବ୍ୟୁକୁ ନେଇ ଦୀର୍ଘ ସମୟ । ସେ ଖୁବଶୀଘ୍ର ବଲିଉଡରେ ପାଦ ଥାପିବାକୁ ଯାଉଛନ୍ତି । ଫେମସ ନିର୍ମାତା ସାଜିଦ ନାଦିଆଦୱାଲଙ୍କ ଆଗାମୀ ଫିଲ୍ମ ‘ତଡପ’ରେ ନଜର ଆସିବେ ଅହାନ । ଆଉ ତାଙ୍କ ସହ ରୋମାନ୍ସ କରିବେ ତାରା ସୁତାରିୟା । ଇତିମଧ୍ୟରେ ବଡ ଖବର ସାମ୍ନାକୁ ଆସୁଛି । ଯାହାକୁ ନେଇ ସମସ୍ତେ ଆଶ୍ଚର୍ଯ୍ୟ ।
କାରଣ ଫିଲ୍ମରେ ଆସିବା ପୂର୍ବରୁ ସେ ଫେମସ ଆକ୍ଟର ସିଦ୍ଧାର୍ଥ ମଲହୋତ୍ରାଙ୍କୁ ରିପ୍ଲେସ କରିଛନ୍ତି । ଟି-ସିରିଜ ମାଲିକ ଭୂଷଣ କୁମାର ଅହାନଙ୍କୁ ନେଇ ବେଶ୍ ଉତ୍ସାହିତ ଅଛନ୍ତି । ଏଥିପାଇଁ ନିଜର ବହୁ ପ୍ରତିକ୍ଷିତ ଫିଲ୍ମ ‘ଆଶିକୀ 3’ରେ ତାଙ୍କୁ କାଷ୍ଟ କରିବାକୁ ସ୍ଥିର କରିଛନ୍ତି ।
ପ୍ରକାଶ ଥାଉକି ଦୀର୍ଘ ସମୟରୁ ଏହି ଫିଲ୍ମରେ ସିଦ୍ଧାର୍ଥଙ୍କୁ କାଷ୍ଟ କରିବା କଥା ସମସ୍ତେ ଶୁଣି ଆସୁଛନ୍ତି । ହେଲେ ଏବେ ଲାଗୁଛି ‘ଆଶିକୀ 3’ରେ ସିଦ୍ଧାର୍ଥ ନୁହେଁ ଅହାନ ମୁଖ୍ୟ ଭୂମିକାରେ ଅଭିନୟ କରିବେ । ସେପଟେ ଏହି ଖବର ସିଦ୍ଧାର୍ଥଙ୍କ ଫ୍ୟାନ୍ସଙ୍କୁ ନିରାଶ କରିଦେଇଛି ।
