ମୁମ୍ବାଇ: ସଂଯୁକ୍ତ ଆରବ ଏମିରେଟ୍ସ (ୟୁଏଇ) ଗୋଲଡେନ ଭିସା ପାଇଥିବାରୁ ଅଭିନେତା ସଞ୍ଜୟ ଦତ୍ତ ବୁଧବାର ୟୁଏଇ ସରକାରଙ୍କୁ ଧନ୍ୟବାଦ ଜଣାଇଛନ୍ତି। ଏହି ସୂଚନା ସେୟାର କରି ସଞ୍ଜୟ କହିଛନ୍ତି ଯେ ଏକ ସମ୍ମାନଜନକ ଭିସା ପାଇବା ଗୌରବର ବିଷୟ।
- " class="align-text-top noRightClick twitterSection" data="
">
ସେହିପରି ସେ କୃତଜ୍ଞ ଜଣାଇ କହିଛନ୍ତି, ‘ଗତ ଏକ ବର୍ଷ ମଧ୍ୟରେ ଦୁବାଇ ମୋ ପରିବାର ପାଇଁ ଏକ ଘର ପାଲଟିଛି । ୟୁଏଇ ସରକାରଙ୍କୁ ମୁଁ ଏଥିପାଇଁ କୃତଜ୍ଞ ଜଣାଉଛି। ନେତାଙ୍କ ଦ୍ବାରା ଗୋଲଡେନ ଭିସା ପଦକ୍ଷେପ ପ୍ରକୃତରେ ଦୂରଦୃଷ୍ଟି ସମ୍ପନ୍ନ । ଏହା ଦେଶକୁ ଏକ ନିବେଶକ-ଅନୁକୂଳ ରାଷ୍ଟ୍ର ଭାବରେ ବଢିବାରେ ସାହାଯ୍ୟ କରିଛି ଏବଂ ମୁଁ ନିଶ୍ଚିତ ଯେ ଏହା ଆଗାମୀ ବର୍ଷରେ ମଧ୍ୟ ଜାରି ରହିବ । ଯେତେବେଳେ ସେମାନେ ଆବଶ୍ୟକ କରିବେ, ମୁଁ ଦେଶକୁ ସାହାଯ୍ୟ କରିବାକୁ ପ୍ରତିଜ୍ଞା କରୁଛି । କାରଣ ମଣିଷ ଭାବରେ ଆମର ପ୍ରକୃତ ଉଦ୍ଦେଶ୍ୟ ହେଉଛି ପରସ୍ପରକୁ ବଢିବାରେ ସାହାଯ୍ୟ କରିବା ’
61 ବର୍ଷୀୟ ଅଭିନେତା ସୋସିଆଲ ମିଡିଆରେ ଏହି ଖବର ସେୟାର କରିବା ସହ ପ୍ରଶଂସକଙ୍କୁ ଏହାର ସୂଚନା ଦେଇଛନ୍ତି । ଏହାସହ ସଞ୍ଜୟ ତାଙ୍କ ଫଟୋ ମଧ୍ୟ ପୋଷ୍ଟ କରି ଲେଖିଛନ୍ତି, ‘ହ୍ୟାସଟ୍ୟାଗ GDRFAubaiର ମହାନିର୍ଦ୍ଦେଶକ ମେଜର ଜେନେରାଲ ମହମ୍ମଦ ଅହମ୍ମଦ ଅଲ ର୍ମିଙ୍କ ଉପସ୍ଥିତିରେ ୟୁଏଇ ଗୋଲଡେନ ଭିସା ମତେ ଦିଆଯାଇଛି ।’
