ମୁମ୍ବାଇ: ବର୍ତ୍ତମାନ ହ୍ୟାଣ୍ଡସମ ଅଭିନେତା ବରୁଣ ଧୱନ ଓ ସାରା ଅଲ୍ଲୀ ଖାନଙ୍କ ଫିଲ୍ମ ‘କୁଲି ନଂ-1’ ଚର୍ଚ୍ଚାରେ । ସୋମବାର ବରୁଣ ଫିଲ୍ମର ସୁଟିଂ ଚୀନରେ କରୁଥିବା ବେଳେ ମଙ୍ଗଳବାର ଫିଲ୍ମକୁ ନେଇ ଏକ ନୂଆ ସୂଚନା ଫ୍ୟାନ୍ସଙ୍କ ସହ ସେୟାର କରିଛନ୍ତି ସେ ।
ଏବେ ଏହି କମେଡି ଡ୍ରାମା ଫିଲ୍ମରେ କମେଡିଆନ ଅଭିନେତା ରଜତ ରାୱଲ ସାମିଲ ହୋଇଛନ୍ତି । ଏହି ଖବର ଫ୍ୟାନ୍ସଙ୍କୁ ଦେବାକୁ ଯାଉ ବରୁଣ ଇନଷ୍ଟାଷ୍ଟୋରୀରେ ରଜତଙ୍କ ସହ ଏକ ଫଟୋ ସେୟାର କରି ସୂଚନା ଦେଇଛନ୍ତି । ଆଉ ଫଟୋ ଉପରେ ସେ ଲେଖିଛନ୍ତି, ‘ୱାର୍କିଂ ୱିଥ ମାଇଁ ଫେଭରେଟ ରଜତ ରାୱଲ, କୁଲି ନଂ-1’ ।
ପ୍ରକାଶ ଥାଉକି ବରୁଣଙ୍କ ପିତା ତଥା ପପୁଲାର ନିର୍ମାତା ଡେଭିଡ ଧୱନଙ୍କ 1995ରେ ଆସିଥିବା ସୁପରହିଟ୍ ଫିଲ୍ମ ‘କୁଲି ନଂ-1’ରେ ଏହା ରିମେକ ଫିଲ୍ମ । ଯେଉଁଥିରେ ସୁନ୍ଦରୀ ଅଭିନେତ୍ରୀ କରିସ୍ମା କପୁର ଓ ଗୋବିନ୍ଦା ନଜର ଆସିଥିଲେ । ଏହି ରିମେକ ଫିଲ୍ମରେ ସାରା ଓ ବରୁଣଙ୍କ ବ୍ୟତୀତ ପରେଶ ରାୱଲ, ରାଜପାଲ ଯାଦବ ଓ ଜାଭେଦ ଜାଫରି ଭଳି କଳାକାର ମୁଖ୍ୟ ଭୂମିକାରେ ଦେଖାଯିବେ ।
