ମୁମ୍ବାଇ: ‘ଧମାକା’କୁ ନେଇ ଚର୍ଚ୍ଚାରେ କ୍ୟୁଟ ଆକ୍ଟର କାର୍ତ୍ତିକ ଆର୍ଯ୍ୟନ । ଏବର୍ଷ ରିଲିଜ ହେବ ତାଙ୍କ ଏହି ଆକ୍ସନ ଡ୍ରାମା ଫିଲ୍ମ । ପ୍ରଥମଥର ଆକ୍ସନ ଫିଲ୍ମରେ ଆସିବେ ନଜର । ଇତିମଧ୍ୟରେ ସେ ଫ୍ୟାନ୍ସଙ୍କୁ ସୋସିଆଲ ମିଡିଆରେ ଖୁବ୍ ମନୋରଞ୍ଜନ କରିଛନ୍ତି । କାରଣ ଭାଇରାଲ ହେଉଛି ତାଙ୍କ ୱାର୍କଆଉଟ ଫଟୋ। ବଡି କରିବାକୁ କଡା ପରିଶ୍ରମ କରୁଛନ୍ତି ଅଭିନେତା ।
- " class="align-text-top noRightClick twitterSection" data="
">
ଇନଷ୍ଟାଗ୍ରାମରେ ଫଟୋ ପୋଷ୍ଟ କରି କାର୍ତ୍ତିକ ଲେଖିଛନ୍ତି, ‘କାର୍ଯ୍ୟ ପ୍ରଗତିରେ ଅଛି ।’ ସେପଟେ ତାଙ୍କ ଏହି ଫଟୋରେ କେବଳ ଫ୍ୟାନ୍ସ ନୁହେଁ ସେଲିବ୍ରିଟି ଫ୍ରେଣ୍ଡ ମଧ୍ୟ କମେଣ୍ଟ କରି ପ୍ରଶଂସା କରିବାରେ ଲାଗିଛନ୍ତି । ଅଭିନେତ୍ରୀ ଭୂମି ପେଡନେକର ଫାୟାର ଇମୋଜି ଦେଇଥିବା ବେଳେ ଡିଜାଇନର ମନୀଷ ମଲହୋତ୍ରା ପ୍ରଶଂସାରେ କହିଛନ୍ତି, ‘ଉଫ୍’।
ପ୍ରକାଶ ଥାଉକି କାର୍ତ୍ତିକ ଧମାକା ବ୍ୟତୀତ ‘ଭୁଲ ଭୁଲୈୟା’ରେ ନଜର ଆସିବେ । ଏହି ହରର କମେଡି ଫିଲ୍ମରେ ତାଙ୍କ ସହ ରୋମାନ୍ସ କରି କିୟାରା ଆଡଭାନୀ । ଚଳିତ ବର୍ଷ ନଭେମ୍ବରରେ ରିଲିଜ ହେବ ଫିଲ୍ମ । ଏହି ଫିଲ୍ମ ସୁପରଷ୍ଟାର ଅକ୍ଷୟ କୁମାରଙ୍କ ଅଭିନୀତ ସୁପରହିଟ୍ ଫିଲ୍ମ ‘ଭୁଲ ଭୁଲୈୟା’ର ସିକ୍ବେଲ ।
