ମୁମ୍ବାଇ: କ୍ୟୁଟ ଆକ୍ଟର କାର୍ତ୍ତିକ ଆର୍ୟନ ଖୁବଶୀଘ୍ର କମେଡି ହରର ଫିଲ୍ମ ‘ଭୁଲ ଭୁଲୈୟା 2’ରେ ନଜର ଆସିବେ । ଯାହାର ସୁଟିଂରେ ସେ ଖୁବ୍ ବ୍ୟସ୍ତ ଥିଲେ । ହେଲେ ନିକଟରେ ତାଙ୍କ କୋରୋନା ରିପୋର୍ଟ ପଜିଟିଭ ବାହାରିଥିଲା । ବର୍ତ୍ତମାନ ଘରେ କ୍ବାରେଣ୍ଟାଇନରେ ଥିବା ଅଭିନେତା ନିଜ ମଜାମସ୍ତି କିନ୍ତୁ ଛାଡିନାହାଁନ୍ତି । ମଜାଦାର ଅନ୍ଦାଜରେ ଫ୍ୟାନ୍ସଙ୍କୁ ଜଣାଇଛନ୍ତି ହୋଲି ଶୁଭେଚ୍ଛା । ଭାଇରାଲ ହେଉଛି ତାଙ୍କ ଫଟୋ ।
କଥାଟି ହେଲା ଯେ ସେ ଇନଷ୍ଟାଗ୍ରାମରେ ‘ଭୁଲ ଭୁଲୈୟା’ର ଛୋଟା ପଣ୍ଡିତ ତଥା କମେଡି ଅଭିନେତା ରାଜପାଲ ଯାଦବଙ୍କ ସହ ଏକ ଫଟୋ ପୋଷ୍ଟ କରିଛନ୍ତି ସେ । ଯାହାର କ୍ୟାପସନରେ ଲେଖିଛନ୍ତି, ‘ଛୋଟା ପଣ୍ଡିତ ଏବଂ ମୋ ତରଫରୁ ଆପଣଙ୍କୁ ହୋଲି ଶୁଭେଚ୍ଛା । ଏବର୍ଷ ପାଣିଠୁ ବଞ୍ଚିକି ରୁହନ୍ତୁ । ଭୁଲ ଭୁଲୈୟା 2 ।’
- " class="align-text-top noRightClick twitterSection" data="
">
ମୁଖ୍ୟ କଥା ହେଲା ଯେ ରାଜପାଲଙ୍କ ହେୟାର ଷ୍ଟାଇଲ ମଧ୍ୟ କପି କରିଛନ୍ତି କାର୍ତ୍ତିକ । ପ୍ରକାଶ ଥାଉକି ସୁପରଷ୍ଟାର ଅକ୍ଷୟ କୁମାରଙ୍କ 2007ରେ ଆସିଥିବା ‘ଭୁଲ ଭୁଲୈୟା’ର ଏହା ସିକ୍ବେଲ ଫିଲ୍ମ । କାର୍ତ୍ତିକଙ୍କ ସହ ଫିଲ୍ମରେ ତବ୍ବୁ ଓ କିୟାରା ଆଡଭାନୀ ମଧ୍ୟ ନଜର ଆସିବେ ।
