ମୁମ୍ବାଇ: କୋରୋନା ଭାଇରସ ଅତି ଦ୍ରୁତ ଗତିରେ ବଢୁଛି । ଏଭଳି ପରିସ୍ଥିତିରେ ଆମକୁ ବହୁତ ସଜାଗ ରହିବା ଆବଶ୍ୟକ ।
ବଲିଉଡ ଇଣ୍ତଷ୍ଟ୍ରି ମଧ୍ୟ ଧୀରେ ଧୀରେ ଏହାର ଶିକାର ହେଉଛି । ବଚ୍ଚନ ପରିବାର ପରେ ବର୍ତ୍ତମାନ ଗାୟକ ଅଭିଜିତ୍ ଭଟ୍ଟାଚାର୍ଜାଙ୍କ ପୁଅ ଧ୍ରୁଭ ମଧ୍ୟ କରୋନା ସଂକ୍ରମିତ ହୋଇଥିବା ଜଣାପଡିଛି । ଧ୍ରୁଭଙ୍କ ବୟସ 28 ବର୍ଷ ।
ଏକ ସାକ୍ଷାତକାରରେ ଅଭିଜିତ୍ କହିଛନ୍ତି ଯେ, ଧ୍ରୁଭ ବିଦେଶ ଯିବାକୁ ଯୋଜନା କରୁଥିଲେ । ସେଠାକୁ ଯିବା ପୂର୍ବରୁ କୋରୋନା ଟେଷ୍ଟ କରିବା ସମୟରେ ତାଙ୍କର କରୋନା ପଜିଟିଭ୍ ବାହାରିଥିଲା । ସେ ନିଜକୁ ହୋମ କ୍ବାରେଣ୍ଟାଇନରେ ରଖିଛନ୍ତି । ତେବେ ଶୁଟିଂ କାରଣରୁ ଅଭିଜିତ କୋଲକାତାରେ ଅଛନ୍ତି ।
ନିକଟରେ ଅଭିନେତ୍ରୀ ରେଖାଙ୍କ ସିକ୍ୟୁରିଟି ଗାର୍ଡ ମଧ୍ୟ କରୋନା ସଂକ୍ରମିତ ହୋଇଥିବା ଜଣାପଡିଥିଲା । ଯାହା ପରେ ତାଙ୍କ ବଙ୍ଗଳାକୁ ସିଲ୍ କରାଯାଇଥିଲା ।
ବ୍ୟୁରୋ ରିପୋର୍ଟ, ଇଟିଭି ଭାରତ
