ମୁମ୍ବାଇ: ବି-ଟାଉନର ମିଷ୍ଟର ପରଫେକ୍ସନିଷ୍ଟ ଆମୀର ଖାନ ଅପକମିଂ ଫିଲ୍ମ ‘ଲାଲ ସିଂ ଚଡ୍ଡା’ ଏବର୍ଷ ଖ୍ରୀଷ୍ଟମାସରେ ରିଲିଜ ହେବାକୁ ଯାଉଛି । ନିକଟରେ ଆମୀର ଫିଲ୍ମର ମୋଶନ ପୋଷ୍ଟର ସେୟାର କରି ଫିଲ୍ମ ରିଲିଜ ତାରିଖ ଘୋଷଣା କରିଥିଲେ । ଇତିମଧ୍ୟରେ ଆମୀର ଖିଲାଡି ଅକ୍ଷୟ କୁମାର ଓ ନିର୍ଦ୍ଦେଶକ, ପ୍ରଯୋଜକ ସାଜିଦ ନାଦିୟାଦୱାଲାଙ୍କୁ ଧନ୍ୟବାଦ ଜଣାଇଛନ୍ତି ।
ସେ ଟ୍ବିଟ କରି ଲେଖିଛନ୍ତି, ‘କେବେ କେବେ କେବଳ କଥାବାର୍ତ୍ତାରେ ସବୁ ଠିକ୍ ହୋଇଯାଏ । ମୋ ଅନୁରୋଧରେ ମୋ ବନ୍ଧୁ ନିଜ ଆଗାମୀ ଫିଲ୍ମ ବଚ୍ଚନ ପାଣ୍ଡେର ରିଲିଜ ଡେଟକୁ ଆଗକୁ ବଢାଇ ଦେଇଛନ୍ତି । ଅକ୍ଷୟ କୁମାର ଓ ସାଜିଦ ନାଦିୟାଦୱାଲାଙ୍କ ଅନେକ ଅନେକ ଧନ୍ୟବାଦ । ତାଙ୍କ ଫିଲ୍ମ ପାଇଁ ତାଙ୍କୁ ଅନେକ ଶୁଭେଚ୍ଛା ମଧ୍ୟ ।’
ପ୍ରକାଶ ଥାଉକି ଆମୀରଙ୍କ ଫିଲ୍ମ ‘ଲାଲ ସିଂ ଚଡ୍ଡା’ ସହ ଅକ୍ଷୟଙ୍କ ଫିଲ୍ମ ‘ବଚ୍ଚନ ପାଣ୍ଡେ’ ମଧ୍ୟ ଖ୍ରୀଷ୍ଟମାସରେ ରିଲିଜ ହୋଇଥାଆନ୍ତା । ହେଲେ ଆମୀରଙ୍କ ଗୋଟିଏ ଅନୁରୋଧରେ ଅକ୍ଷୟ ନିଜ ଫିଲ୍ମ ରିଲିଜ ତାରିଖ ପରିବର୍ତ୍ତନ କରି ବନ୍ଧୁତ୍ବର ପରିଚୟ ଦେଇଛନ୍ତି ।
