ମୁମ୍ବାଇ: କରୋନା ଭାଇରସ କାରଣରୁ ବଲିଉଡ ସୁପରଷ୍ଟାର ଆମୀର ଖାନଙ୍କ ଆଗାମୀ ଫିଲ୍ମ'ଲାଲ ସିଂ ଚଡ୍ଡା'ର ସୁଟିଂ ଶେଷ ହୋଇନାହିଁ । ଚାଲିଥିବା ଲକଡାଉନ ପାଇଁ ଫିଲ୍ମର ସୁଟିଂ ଅଟକି ରହିଥିଲା ।
ବର୍ତ୍ତମାନ ଏକ ଖୁସି ଖବର ଶୁଣିବାକୁ ମିଳିଛି । ଆମୀର ଚଳଚ୍ଚିତ୍ର 'ଲାଲ ସିଂ ଚଡ୍ଡା'ର ଅବଶିଷ୍ଟ ସିନ୍ ସମାପ୍ତ କରିବାକୁ ତୁର୍କୀ ଯାଇଛନ୍ତି ।
ସୋସିଆଲ ମିଡିଆରେ କିଛି ଫଟୋ ଭାଇରାଲ ହେବାରେ ଲାଗିଛି । ଏହି ଫଟୋଗୁଡ଼ିକରେ ଆମୀର ଏକ ମାସ୍କ ପିନ୍ଧିଥିବାର ନଜର ଆସିଛନ୍ତି ।
ଏହା ବ୍ୟତୀତ ଏକ ଏଜେନ୍ସି ମଧ୍ୟ ସୂଚନା ଦେଇଛି ଯେ, ଆମୀର ତାଙ୍କ ଚଳଚ୍ଚିତ୍ରର ସୁଟିଂ ପାଇଁ ତୁର୍କୀରେ କିଛି ଦିନ ରହିବେ ଏବଂ ତୁର୍କୀ ସରକାର ତାଙ୍କୁ ଏଥିରେ ସାହାଯ୍ୟ କରିବେ ।
ପ୍ରକାଶ ଥାଉ କି, ଭାରତରେ ସୁଟିଂ ଆରମ୍ଭ କରିବା କଷ୍ଟସାଧ୍ୟ ହୋଇପଡିଛି । ଏଭଳି ପରିସ୍ଥିତିରେ ଆମୀର ତୁର୍କୀରେ ସେଟଅପ୍ କରିବାକୁ ନିଷ୍ପତ୍ତି ନେଇଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
