ମୁମ୍ବାଇ: ବର୍ତ୍ତମାନ ବଲିଉଡରେ ଆୱାର୍ଡ ସିଜନ ଆରମ୍ଭ ହୋଇଗଲାଣି । ତେବେ ୟାମଧ୍ୟର 2019ର ଫିଲ୍ମଫେୟା ଆୱାର୍ଡର ରେସ୍ ରେ ଦିପିକାଙ୍କୁ ପଛରେ ପକାଇଛନ୍ତି ଆଲିୟା। ନିକଟରେ 2019ର ଫିଲ୍ମଫେୟାର ଆୱାର୍ଡ ଅନୁଷ୍ଠିତ ହୋଇ ଆଲିୟା ଭଟ୍ଟଙ୍କୁ ସର୍ବଶ୍ରେଷ୍ଠ ଅଭିନେତ୍ରୀର ଆୱାର୍ଡ ମିଳିଥିବା ବେଳେ ଦୀପିକାଙ୍କ ଫ୍ୟାନ ଖପ୍ପା ହୋଇ ସୋସିଆଲ ମିଡିଆରେ ନିରାଶ ଜାହିର କରିଛନ୍ତି।
ପ୍ରକାଶ ଥାଉକି, ଆଲିୟା ଫିଲ୍ମ 'ରାଜି ପାଇଁ ଶ୍ରେଷ୍ଠ ଅଭିନେତ୍ରୀର ସମ୍ମାନ ଜିତିଥିବାବେଳେ ପ୍ରେମିକ ରଣବୀର କପୁର ଫିଲ୍ମ 'ସଞ୍ଜୁ' ପାଇଁ ଜିତିଛନ୍ତି ଶ୍ରେଷ୍ଠ ଅଭିନେତାର ସମ୍ମାନ। ହେଲେ ଏହି ସମ୍ମାନକୁ ନେଇ ବେଶ ଆଶାବାଦୀ ଥିଲେ ଦୀପିକା ଓ ଦୀପିକାଙ୍କ ପ୍ରଶଂସକ। ଆୱାର୍ଡ ସେରିମୋନୀ ଅନୁଷ୍ଠିତ ହେବା ପରେ ଦୀପିକାଙ୍କ ଫ୍ୟାନମାନେ ଦୀପିକାଙ୍କ ସୋସିଆଲ ମିଡିଆ ଫ୍ୟାନକ୍ଲବରେ ପୋଷ୍ଟ କରିଥିଲେ ନିଜର ରାଗ ଓ ନିରାଶା । ଆଉ ଏହା ଦେଖି ଦୀପିକା ତାଙ୍କ ଫ୍ୟାନମାନଙ୍କୁ କ୍ଷମା ପ୍ରାର୍ଥନା କରିବା ସହ ଭବିଷ୍ୟତରେ ଖୁବ ଭଲ କାମ କରି ଓ କଠିନ ପରିଶ୍ରମ କରି ଫ୍ୟାନମାନଙ୍କୁ ଖୁସି କରିବାରେ ଦେଇଛନ୍ତି ପ୍ରତିଶୃତି।
