କଳାହାଣ୍ଡି: ଜମି ବିବାଦକୁ ନେଇ ହତ୍ୟାକାଣ୍ଡ । ଟାଙ୍ଗିଆ ଚୋଟରେ ପୁତୁରା ମୃତ । ବଡ ଭାଇ ଗୁରୁତର । ଥୁଆମୁଳ ରାମପୁର ଥାନା ସାପମୁଣ୍ଡି ଗାଁରେ ଘଟିଛି ଏପରି ଲୋମହର୍ଷଣକାରୀ ହତ୍ୟାକାଣ୍ଡ । ଘଟଣା ପରେ ଅଭିଯୁକ୍ତ ଫଗୁନୁ ମାଝୀକୁ ପୋଲିସ ଅଟକ ରଖିଛି । ଗୁରୁତର ବଡଭାଇ ବାରୁ ମାଝୀଙ୍କୁ ଭବାନୀପାଟଣାକୁ ସ୍ଥାନାନ୍ତର କରାଯାଇଛି ।
ଭିଡିଓ ସୌଜନ୍ୟ: ସମ୍ବାଦଦାତା, କଳାହାଣ୍ଡି
ସୂଚନାଥାଉକି, ଦୁଇ ଭାଇ ବାରୁ ମାଝୀ ଓ ଫଗୁନୁ ମାଝୀଙ୍କ ମଧ୍ୟରେ ଜମିବିବାଦକୁ ନେଇ ପୂର୍ବରୁ ଶତ୍ରୁତା ଥିଲା । ତେବେ ଆଜି(ମଙ୍ଗଳବାର) ଏହା ଉଗ୍ରରୂପ ଧାରଣ କରିଥିଲା । ସ୍ଥିତି ଏପରି ହୋଇଥିଲା ଯେ କାକା ଫଗୁନୁ ମାଝୀ ନିଜ ପୁତୁରା ସମ୍ବରୁ ମାଝୀଙ୍କୁ ଟାଙ୍ଗିଆରେ ହାଣିଥିଲେ । ଫଳରେ ଘଟଣାସ୍ଥଳରେ ହିଁ ତାଙ୍କର ମୃତ୍ୟୁ ହୋଇଥିଲା ।
କଳାହାଣ୍ଡିରୁ ଅଜିତ୍ ସିଂହ, ଇଟିଭି ଭାରତ
