ଇସଲାମବାଦ: ପାକିସ୍ତାନରେ ଭୟଙ୍କର ଦୁର୍ଘଟଣା। ଭାରସାମ୍ଯ ହରାଇ ଲାଇନଚ୍ୟୁତ ହେଲା ଯାତ୍ରୀବାହୀ ଟ୍ରେନ। ଏକ ପାର୍ବତ୍ୟ ଅଞ୍ଚଳରେ ଟ୍ରେନଟି ଖସି ପଡିବାରୁ 41 ଜଣଙ୍କର ମୃତ୍ୟୁ ହୋଇଥିବା ସୂଚନା ମିଳିଛି । ପାକିସ୍ତାନ ବାଲୁଚିସ୍ତାନର ଲାସବେଲାରେ ଏହି ଦୁର୍ଘଟଣା ଘଟିଥିବା ସୂଚନା ମିଳିଛି । ଅନେକ ଲୋକ ଆହତ ହୋଇଥିବା ଲାସବେଲାର ଆସିଷ୍ଟାଣ୍ଟ କମିଶନର ହାମଜା ଅଞ୍ଜୁମ ସୂଚନା ଦେଇଛନ୍ତି । ଟ୍ରେନଟି ଦ୍ରୁତ ବେଗରେ ଆସୁଥିବା ବେଳେ ଭାରସାମ୍ୟ ହରାଇ ଓଲଟି ପଡିଥିଲା । ବର୍ତ୍ତମାନ ଉଦ୍ଧାର କାର୍ଯ୍ୟ ଜାରି ରହିଛି ।
ପାସେଞ୍ଜର ଟ୍ରେନଟି କ୍ବେଟାରୁ କରାଚି ଅଭିମୁଖେ ଯାଉଥିବା ବେଳେ ଦୁର୍ଘଟଣାର ଶିକାର ହୋଇଛି । ଟ୍ରେନର୍ 48 ଜଣ ଯାତ୍ରୀ ଥିଲେ । ଟ୍ରେନ୍ଟି ଲାସବେଲା ନିକଟରେ ୟୁ-ଟର୍ନ ନେଉଥିବା ବେଳେ ତଳକୁ ଖସିପଡିଥିଲା । ଦୁର୍ଘଟଣା ପରେ ତିନି ଜଣଙ୍କୁ ଘଟଣାସ୍ଥଳରୁ ଉଦ୍ଧାର କରାଯାଇଛି । ଶିଶୁ ଓ ମହିଳା ଉଦ୍ଧାର ହୋଇଥିବା ବେଳେ ସମସ୍ତେ ସୁରକ୍ଷିତ ରହିଛନ୍ତି । ଏହି ଘଟଣାରେ ମୃତକଙ୍କ ସଂଖ୍ୟା ବଢିବା ନେଇ ଆଶଙ୍କା କରାଯାଉଛି ।
ଆଜି ପେରୁରେ ଏକ ଭୟଙ୍କର ସଡକ ଦୁର୍ଘଟଣା ଖବର ଆସିଥିଲା। ଭାରସାମ୍ୟ ହରାଇ ପାହାଡ ତଳକୁ ଯାତ୍ରୀବାହୀ ବସ ଖସିପଡିବାରୁ ୨୪ ଜଣଙ୍କର ମୃତ୍ୟୁ ହୋଇଥିବା ବେଳେ 20ରୁ ଅଧିକ ଆହତ ହୋଇଥିଲେ । ବସ୍ରେ ମୋଟ 60 ଜଣ ଯାତ୍ରୀ ରହିଥିବା ବେଳେ ଶନିବାର ଦିନ ଘଟିଥିଲା ଭୟଙ୍କର ସଡକ ଦୁର୍ଘଟଣା । ଏନେଇ ପେରୁର ପରିବହନ ପର୍ଯ୍ୟବେକ୍ଷକ ଏଜେନ୍ସି ପକ୍ଷରୁ ସୂଚନା ଦିଆଯାଇଥିଲା ।
