ଜେରୁଜେଲମ: ଇସ୍ରାଏଲରେ ପୁଣି ଥରେ ଗଠନ ହେବାକୁ ଯାଉଛି ବେଞ୍ଜାମିନ ନେତନ୍ୟାହୁ ସରକାର । ଇସ୍ରାଏଲ ସାଧାରଣ ନିର୍ବାଚନରେ ଚୂଡାନ୍ତ ଫଳାଫଳ ଆନୁଷ୍ଠାନିକ ଭାବେ ଘୋଷଣା ହୋଇ ନଥିଲାବେଳେ ପ୍ରଧାନମନ୍ତ୍ରୀ ୟୈର ଲାପିଡ ଗୁରୁବାର ପରାଜୟ ସ୍ବୀକାର କରିଛନ୍ତି । ଫଳରେ ପୂର୍ବତନ ପ୍ରଧାନମନ୍ତ୍ରୀ ବେଞ୍ଜାମିନ ନେତନ୍ୟାହୁ ପୂର୍ଣ୍ଣ ସଂଖ୍ୟାଗରିଷ୍ଠତାର ସହ ପୁନର୍ବାର କ୍ଷମତାସୀନ ହେବେ ବୋଲି ସ୍ପଷ୍ଟ ହୋଇଛି । ପଞ୍ଚମ ଥର ପାଇଁ ପ୍ରଧାନମନ୍ତ୍ରୀ ପଦ ସମ୍ଭାଳିବେ ନେତନ୍ୟାହୁ । ବେଞ୍ଜାମିନ ନେତନ୍ୟାହୁ ଟ୍ବିଟ କରି ଶୁଭେଚ୍ଛା ଜଣାଇଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ।
ବେଞ୍ଜାମିନ ନେତନ୍ୟାହୁଙ୍କୁ ଟକ୍କର ଦେଉଥିଲେ ଇସ୍ରାଏଲ ବର୍ତ୍ତମାନ ପ୍ରଧାନମନ୍ତ୍ରୀ ତଥା ତାଙ୍କୁ ମୁଖ୍ୟ ପ୍ରତିନ୍ଦ୍ବନ୍ଦୀ ୟୈର ଲାପିଡ । ଲାପିଡ ତାଙ୍କ ପରାଜୟ ସ୍ବୀକାର କରିଛନ୍ତି । କୁହାଯାଉଛି କି ସାଧାରଣ ନିର୍ବାଚନରେ ନେତନ୍ୟାହୁଙ୍କ ମେଣ୍ଟକୁ ୧୨୦ ସଦସ୍ୟ ବିଶିଷ୍ଟ ଇସ୍ରାଏଲ ସଂସଦରେ ନେତନ୍ୟାହୁଙ୍କ ପାର୍ଟି ବିଜୟୀ ହୋଇଛି । ପ୍ରାୟ ୯୦ ପ୍ରତିଶତ ମତଗଣନା ସମୟରେ ହିଁ ନେତନ୍ୟାହୁଙ୍କ ପ୍ରଧାନମନ୍ତ୍ରୀ ହେବା ଏକ ପ୍ରକାର ସ୍ଥିର ହୋଇଛି । ରାତିରେ ତାଙ୍କ ବିଜୟ ଉପରେ ମୋହର ବାଜିଛି । ତାଙ୍କୁ ୧୨୦ସଦସ୍ୟରୁ ୬୪ ସଦସ୍ୟଙ୍କ ସମର୍ଥନ ମିଳିଛି । ଟାଇମ୍ସ ଅଫ ଇସ୍ରାଏଲ ରିପୋର୍ଟ ଅନୁସାରେ ଲାପିଡ ନେତନ୍ୟାହୁଙ୍କୁ ଶୁଭେଚ୍ଛା ଜଣାଇଛନ୍ତି ।
ପ୍ରକାଶ ଥାଉ କି, ୮୮.୬ ପ୍ରତିଶତ ଭୋଟ ଗଣତି ପରେ ଲିକୁଡ ପାର୍ଟିକୁ ୩୨, ୟେଶ ଅତୀଦକୁ ୨୪, ଆରଜେଡିପିକୁ ୧୪, ନ୍ୟାସନାଲ ୟୁନିଟି ପାର୍ଟିକୁ ୧୨, ଶାସକୁ ୧୧ ଆସନ ମିଳିଥିଲା । ମତଗଣନା ପୂର୍ବରୁ ଏକ୍ସଜିଟ୍ ପୋଲରେ ନେତନ୍ୟାହୁଙ୍କ ପାର୍ଟି ଲିକୁଡ ମେଣ୍ଟକୁ ପ୍ରାୟ ୬୫ ଆସନ ମିଳୁଥିବା ଦାବି କରାଯାଇଥିଲା ।
ଇସ୍ରାଏଲରେ କିପରି ହୁଏ ନିର୍ବାଚନ...
୧୨୦ ଆସନ ଥିବା ଇସ୍ରାଏଲରେ ନିର୍ବାଚନରେ ଯେଉଁ ଦଳ ପକ୍ଷରେ ଭୋଟରଙ୍କ ସଂଖ୍ୟା ଅଧିକ ଥାଏ ସେହି ଦଳର ଜିତିବା ସମ୍ଭାବନା ଅଧିକ ଥାଏ । ଇସ୍ରାଏଲରେ ଜନତା କେବେ କୌଣସି ପ୍ରାର୍ଥୀଙ୍କୁ ଭୋଟ ଦିଅନ୍ତି ନାହିଁ । ତାଙ୍କ ତରଫରୁ ଦଳକୁ ଭୋଟ ଦିଆଯାଏ । ଯଦି ସଂସଦରେ କାହାକୁ ଆସନ ଦରକାର ହୁଏ ତେବେ ଅତିକମରେ ୩.୩୫ପ୍ରତିଶତ ଭୋଟ ଦରକାର ହୋଇଥାଏ । ଇସ୍ରାଏଲରେ ପ୍ରୋପେସନାଲ ରିପ୍ରେଜେଣ୍ଟସନ ନିର୍ବାଚନ ବ୍ୟବସ୍ଥା ଚାଲେ । ଏଠାରେ ଯେଉଁ ଦଳକୁ ଯେତେ ଭୋଟ ମିଲିବ ସେ ହିସାବରେ ଆସନ ମଧ୍ୟ ମିଳିବ ।
