ଦାମାକ୍ସ: ୟୁକ୍ରେନ ଉପରେ 2 ମାସରୁ ଅଧିକ ଦିନ ହେବ ଆକ୍ରମଣ ଜାରି ରହିଥିଲେ ସୁଦ୍ଧା ଥମିବାର ନାଁ ନେଉନାହିଁ । ଦୁଇ ଦେଶ ମଧ୍ୟରେ ବାରମ୍ବାର ଶାନ୍ତି ଆଲୋଚନା ହୋଇଥିଲେ ମଧ୍ୟ ତାହା ସବୁଥର ବିଫଳ ହୋଇଛି । ଏହାରି ଭିତରେ ଗତକାଲି(ଶୁକ୍ରବାର) ପଡୋଶୀ ଦେଶ ସିରିଆ ଉପରେ ମିସାଇଲ୍ ଆକ୍ରମଣ କରିଛି ଇସ୍ରାଏଲ । ଏହି ଆକ୍ରମଣରେ ସିରିଆର ୫ ଜଣଙ୍କର ମୃତ୍ୟୁ ହୋଇଛି ।
ସିରିଆର ଏକ ସରକାରୀ ଗଣମାଧ୍ୟମର ତଥ୍ୟ ଅନୁଯାୟୀ, ଇସ୍ରାଏଲ ଶୁକ୍ରବାର ସିରିଆ ଉପରେ ଆକ୍ରମଣ କରିଛି । ଏହି ଏୟାର ଷ୍ଟ୍ରାଇକ୍ରେ ଇସ୍ରାଏଲ ସିରିଆର ଅସ୍ତ୍ରଶସ୍ତ୍ର ଡିପୋ ଏବଂ ମସୟାଫରେ ଇରାନୀ ମିଲିସିଆ ଆଡ୍ଡାକୁ ଟାର୍ଗେଟ୍ କରିଥିଲା । ଇସ୍ରାଏଲ ଏୟାରଫୋର୍ସ ପ୍ରାୟ ୮ଟି ମିସାଇଲ୍ ଆଟାକ୍ କରିଥିଲେ ।
ଏହି ଏୟାର ଷ୍ଟାଇକ୍ରେ ୫ ଜଣଙ୍କର ମୃତ୍ୟୁ ହୋଇଥିବା ବେଳ ୭ ଜଣ ଆହତ ହୋଇଛନ୍ତି । ଆକ୍ରମଣ ଯୋଗୁଁ ସିରିଆର ଅନେକ ସୈନ୍ୟ ଆଡ୍ଡା ଧ୍ବସ୍ତ ହୋଇଯାଇଛି । ଏହାସହ ଫସଲ କ୍ଷେତରେ ମଧ୍ୟ ନିଆଁ ଲାଗିଯାଇଛି । ସେପଟେ ସିରିଆ କହିଛି ଇସ୍ରାଏଲ ପକ୍ଷରୁ ଏୟାର ଷ୍ଟ୍ରାଇକ୍ ବେଳେ ଅନେକ ମିସାଇଲକୁ ଏୟାର ଡିଫେନ୍ସ ସିଷ୍ଟମରେ ଧ୍ବସ୍ତ କରିଦେଇଛି ।
