ସିଡନୀ: କୋରୋନା କବଳରୁ ଦେଶକୁ ମୁକ୍ତ କରିବା ପାଇଁ ଅଷ୍ଟେଲିଆରେ ପୁଣି ବଢିଛି ଲକଡାଉନ । ଆଗକୁ ଆହୁରି 4 ସପ୍ତାହ ପର୍ଯ୍ୟନ୍ତ ଲକଡାଉନର ନିୟମ କାନୁନ ଲାଗୁ ରହିବ ବୋଲି ଗୁରୁବାର ସୂଚନା ଦେଇଛନ୍ତି ରାଷ୍ଟ୍ରପତି ସ୍କଟ ମୋରିସନ । ସେ ଏନେଇ ଗଣମାଧ୍ୟମକୁ ସ୍ପଷ୍ଟ କରିଛନ୍ତି କି ଦେଶରେ କୋରୋନା ସ୍ଥିତିରେ ସୁଧାର ଆସିଛି ସତ, ହେଲେ ବିପଦ ଏବେ ବି ଟଳିନି । ତେଣୁ ଏପରି ନିଷ୍ପତ୍ତି ନିଆଯାଇଛି ।
ସେ ସମ୍ପୂର୍ଣ୍ଣ ତଥ୍ୟ ଦେଇ କହିଛନ୍ତି କି ଅନେକ ସମୟ ପୂର୍ବରୁ ଦେଶର ସମସ୍ତ ସୀମାକୁ ସିଲ କରାଯାଇଥିଲା । ଯାହା ଫଳରେ ଦେଶରେ ସମୁଦାୟ 6500 ଆକ୍ରାନ୍ତ ହୋଇଥିବା ବେଳେ ମୃତ୍ୟୁ ସଂଖ୍ୟା ମାତ୍ର 63 ରହିଛି । ଦେଶରେ ସାମାଜିକ ଦୂରତାକୁ କଡାକଡି କରାଯାଇଥିବାରୁ ବର୍ତ୍ତମାନ ନୂଆ ଆକ୍ରାନ୍ତଙ୍କ ସଂଖ୍ୟାରେ ମଧ୍ୟ ଅବନତି ଘଟୁଛି ।
ଧିରେ ଧିରେ ଆକ୍ରାନ୍ତଙ୍କ ସଂଖ୍ୟା 10ରୁ ତଳକୁ ଖସିବାରେ ଲାଗିଛି । ତେଣୁ ସ୍ଥିତିରେ ସୁଧାରକୁ ବଜାୟ ରଖିବା ପାଇଁ ଲକଡାଉନକୁ ଆଗାମୀ 4 ସପ୍ତାହ ପର୍ଯ୍ୟନ୍ତ ବଢାଯାଇଛି । ଯାହା ଦ୍ବାରା ଅନ୍ୟ ଦେଶ ତୁଳନାରେ ଅଷ୍ଟ୍ରେଲିଆରେ ସ୍ଥିତିକୁ ନିୟନ୍ତ୍ରଣ କରାଯାଇପାରିବ ।
