ହାଇଦ୍ରାବାଦ: ବିଶ୍ବ ରେକର୍ଡ କରିବା ନିଶାରେ ଲୋକମାନଙ୍କ ଅଜବ କାରନାମା ସାମ୍ନାକୁ ଆସିଥାଏ । ସେହିଭଳି ଏକ ଅଜବ କାରନାମା କରିଛନ୍ତି ବ୍ରିଟିଶ ଯୁବକ ରିଚାର୍ଡ ବ୍ରୋଉନିଂ ।
ସିନେମାରେ ଦେଖିଥିବା ଆଇରନ ମ୍ୟାନଙ୍କ ଭଳି ସେ ମଧ୍ୟ ଏକ ଜେଟ ଇଞ୍ଜିନ ପ୍ରସ୍ତୁତ କରିଛନ୍ତି । ଉକ୍ତ ଇଞ୍ଜିନକୁ ନିଜେ ପିନ୍ଧି ଘଣ୍ଟା ପ୍ରତି 85.06 କିମି ବେଗରେ ଉଡ଼ୁଥିବା ଦେଖିବାକୁ ମିଳିଛି । ତାଙ୍କର ଏହି କାର୍ଯ୍ୟ ପାଇଁ ସେ ବିଶ୍ବରେକର୍ଡ କରିଛନ୍ତି ।
ରିଚାର୍ଡ ଉଡ଼ୁଥିବା ସମୟରେ ଦେଖିବାକୁ ବେଶ କୌତୁହଳ ଲାଗୁଥିବା ବେଳେ ଅନେକ ଦର୍ଶକ ମଧ୍ୟ ଛିଡ଼ା ହୋଇ ତାଙ୍କୁ ନିରୀକ୍ଷଣ କରୁଥିବା ଦେଖିବାକୁ ମିଳିଛି । ତେବେ ଏହା ରିଚାର୍ଡଙ୍କର ପ୍ରଥମ ରେକର୍ଡ ନୁହେଁ। ଏହା ପୂର୍ବରୁ ମଧ୍ୟ ସେ ଏଭଳି ଉଡ଼ି ରେକର୍ଡ ସ୍ଥାପନ କରିଥିଲେ । ସେହି ସମୟରେ ତାଙ୍କର ବେଗ ଥିଲା ଘଣ୍ଟା ପ୍ରତି କିମି ।
ରିଚାର୍ଡ ହେଉଛନ୍ତି ଗ୍ରାଭିଟି ଇଣ୍ଡଷ୍ଟ୍ରୀର ପ୍ରତିଷ୍ଠାତା । ଏହା ସହିତ ବରିଷ୍ଠ ପାଇଲଟ ଭାବେ ମଧ୍ୟ ସେ କାର୍ଯ୍ୟରତ । ସେ ବିଭିନ୍ନ ପ୍ରକାର ଜେଟ ସୁଟ ପ୍ରସ୍ତୁତ କରିବା ସହିତ ତାର ଡିଜାଇନ ଏବଂ ଉଡ଼ାଣ କାର୍ଯ୍ୟ ମଧ୍ୟ ତଦାରଖ କରିଥାନ୍ତି ।
