କାନବେରା: ମହାମାରୀ କୋରୋନା ପ୍ରକୋପରେ ଅନେକ ରାଷ୍ଟ୍ରର ଅର୍ଥନୈତିକ ଅଣ୍ଟା ଭାଙ୍ଗିପଡିଥିବା ବେଳେ ଲକଡାଉନ ପାଇଁ ଅସ୍ଥିର ହୋଇଛି ମାନସିକ ସ୍ଥିତି । ଏନେଇ ନିକଟରେ ହୋଇଥିବା ଏକ ଅଧ୍ୟୟନରୁ ଜଣାପଡିଛି କି ଅଷ୍ଟ୍ରେଲିଆରେ ଲକଡାଉନର ଅତି ଖରାପ ପ୍ରଭାବ ପଡିବାକୁ ଯାଉଛି । ଏହା ବର୍ତ୍ତମାନର ଯୁବଗୋଷ୍ଠୀକୁ ମାନସିକ ସ୍ତରରେ ଅସ୍ଥିର କରିବା ସହ ଏହା ଆତ୍ମହତ୍ୟା ହାରକୁ ବଢାଇବାର ସମ୍ଭାବନା ସୃଷ୍ଟି କରିଛି ।
ଅଷ୍ଟ୍ରେଲିଆର ମାନସିକ ସ୍ବାସ୍ଥ୍ୟାଧିକାରୀମାନଙ୍କୁ ସୂଚନା ମୁତାବକ ଦେଶରେ ବାର୍ଷିକ 3000 ଆତ୍ମହତ୍ୟା ହୋଇଥାଏ । ହେଲେ ଏବେ ଲକଡାଉନ ପାଇଁ ଏହି ହାର 50 ପ୍ରତିଶତ ବଢିବା ସହ ବାର୍ଷିକ 1500 ନୂଆ ଆତ୍ମହତ୍ୟା ମାମଲା ସାମ୍ନାକୁ ଆସିବ । ତେବେ ଏହି ଆତ୍ମହତ୍ୟାର ଚିନ୍ତା ମୁଖ୍ୟତଃ ଯୁବପୀଢି ମନରେ ଆସିବାରେ ଆଶଙ୍କା ପ୍ରକାଶ ପାଇଛି । ଯେଉଁଥିରେ 15ରୁ 25 ବର୍ଷର ଲୋକେ ସାମିଲ ରହିବେ ।
ଲକଡାଉନ ଓ ମହାମାରୀର ମିଳିତ ପ୍ରଭାବରେ ଅଷ୍ଟ୍ରେଲିଆର ଅର୍ଥନୀତି ବିଗିଡିବା ସହ ଏହା ବେରୋଜଗାର ମାତ୍ରା ବଢାଇଛି । ଯାହା ଯୁବପୀଢିଙ୍କୁ ହତାଶ କରିଛି । ତେବେ ଆତ୍ମହତ୍ୟାକୁ ନେଇ ଆକଳନ ହୋଇଥିବା ପରିସ୍ଥିତି ଆଗାମୀ 5 ବର୍ଷ ଯାଏଁ ବଳବତ୍ତର ରହିପାରେ । ସେପଟେ ସ୍ଥିତି ଯଦି ଅଧିକ ବିଗିଡେ ତେବେ ଆତ୍ମହତ୍ୟା ହାର ଆହୁରି ବଢିବ ବୋଲି ଚେତାବନୀ ଦିଆଯାଇଛି ।
@IANS
