ମସ୍କୋ: ଋଷର ତାତରସ୍ତାନରେ ବିମାନ ଦୁର୍ଘଟଣାଗ୍ରସ୍ତ ହୋଇଛି । ଦୁର୍ଘଟଣାରେ 16 ଜଣଙ୍କର ମୃତ୍ୟୁ ହୋଇଥିବାବେଳେ 7 ଜଣ ଆହତ ହୋଇଛନ୍ତି । ବିମାନରେ ମୋଟ 23 ଜଣ ଯାତ୍ରୀ ଥିରେ । ଆହତଙ୍କ ଉଦ୍ଧାର କାର୍ଯ୍ୟ ଜାରି ରହିଛି ।
ଋଷର ଜରୁରୀକାଳୀନ ମନ୍ତ୍ରଣାଳୟର ସୂଚନା ଅନୁଯାୟୀ, ବିମାନ L-410 Turbolet ତାତାରସ୍ତାନ ଉପରେ ଉଡାଣ ଭରୁଥିବାବେଳେ କ୍ରାସ୍ ହୋଇଯାଇଥିଲା । ଦୁର୍ଘଟଣାଗ୍ରସ୍ତ ବିମାନଟି ଦୁଇ ଇଞ୍ଜିନ ବିଶିଷ୍ଟ ସର୍ଟ ରେଞ୍ଜ ଏୟାରକ୍ରାଫ୍ଟ ଥିଲା । ଦୁର୍ଘଟଣା ସମୟରେ କିଛି ଜଣ ପାରାଚୁଟ ସାହାଯ୍ୟରେ ତଳକୁ ଲମ୍ପମାରି ଜୀବନ ବଞ୍ଚାଇବାକୁ ପ୍ରୟାସ କରିଥିଲେ । ତେବେ 7 ଜଣଙ୍କୁ ଉଦ୍ଧାର କରାଯାଇଛି । ନିକଟରେ ଋଷର ବିମାନ ସୁରକ୍ଷା ମାନକର ସୁଧାର କରାଯାଇଥିଲା । ହେଲେ କିଛି ଅଞ୍ଚଳରେ ପୁରୁଣା ବିମାନ କାରଣରୁ ଦୁର୍ଘଟଣା ହୋଇଆସୁଛି ।
ଗତ ମାସରେ ପୂର୍ବ ଋଷରେ ଏକ ବିମାନ ଦୁର୍ଘଟଣାଗ୍ରସ୍ତ ହୋଇଥିଲା । ଏଥିରେ 6 ଜଣ ପ୍ରାଣ ହରାଇଥିଲେ । ସେହପରି ଜୁଲାଇରେ କାମଚଟକାରେ ହୋଇଥିବା ବିମାନ ଦୁର୍ଘଟଣାରେ ଏଣ୍ଟୋନୋଭ ଏଏନ-26ରେ ଯାତ୍ରା କରୁଥିବା 28 ଜଣ ଯାତ୍ରୀଙ୍କ ମୃତ୍ୟୁ ହୋଇଥିଲା ।
