ରୋମ: ଉତ୍ତର ଇଟାଲୀରେ କେବଲ୍ କାର୍ ଦୁର୍ଘଟଣାଗ୍ରସ୍ତ । ଏହି ଦୁର୍ଘଟଣାରେ 14 ଜଣଙ୍କ ମୃତ୍ୟୁ ହୋଇଛି । ଉତ୍ତର ଇଟାଲୀର ମାଉଣ୍ଟ ଭିୟୁ ଦେଖିବା ପାଇଁ କେବଲ୍ କାର୍ ଯାତ୍ରା କରିଥିଲା । ମାତ୍ର ରବିବାର କେବଲ୍ କାର୍ କୌଣସି ଯାନ୍ତ୍ରିକ ତ୍ରୁଟି କାରଣରୁ ତଳକୁ ଖସି ପଡିଥିଲା । ଏହି ଦୁର୍ଘଟଣାରେ ସମସ୍ତ ଯାତ୍ରୀଙ୍କ ମୃତ୍ୟୁ ହୋଇଥିବା ବେଳେ ଜଣେ ବାଳକ ବର୍ତ୍ତି ଯାଇଛି ଓ ଗୁରୁତର ଅବସ୍ଥାରେ ହସ୍ପିଟାଲରେ ଭର୍ତ୍ତି ହୋଇଛି ।
6ଜଣ ମୃତ ଇସ୍ରାଏଲ ବାସିନ୍ଦା ହୋଇଥିବା ବେଳେ 4 ଜଣ ପରିବାର ଇଟାଲୀର ବୋଲି ଜଣାପଡିଛି । କେବଲର ତାର ଛିଡିଯିବା କାରଣରୁ ଦୁର୍ଘଟଣା ହୋଇଥିବା ସ୍ଥାନୀୟ ମେୟର ସୂଚନା ଦେଇଛନ୍ତି । ଦୁଇ-ତିନି ଥର ଗଛ ମାଡ ହେବା ସହ କାରଟି ବାରମ୍ବାର ଓଲଟି ତଳେ ପଡିଥିବା ସେ କହିଛନ୍ତି । ଏହି ଦୁର୍ଘଟଣାର ଯାଞ୍ଚ ପାଇଁ ଇଟାଲୀ ସରକାର ଏକ କମିଶନ ଘୋଷଣା କରିଛନ୍ତି, ଏହା ଇଟାଲୀର ପରିବହନ ଭିତ୍ତିଭୂମିର ଗୁଣବତ୍ତା ଏବଂ ନିରାପତ୍ତାକୁ ନେଇ ଯାଞ୍ଚ କରିବ ।
ବ୍ୟୁରୋ ରିପୋର୍ଟ, ଇଟିଭି ଭାରତ
