ସ୍ବିଜରଲ୍ୟାଣ୍ଡ: ଟ୍ରେନ, ବସରେ ଯାତ୍ରା କରିବା ସମୟରେ ଲକ୍ଷାଧିକ ଟଙ୍କା ଛାଡି ଯାଇଥିବାର ନଜିର ରହିଛି । ମାତ୍ର ଏଭଳି ଏକ ଘଟଣା ଯାହା ଚକିତ କରିଦେବା ସହ ଚମକିତ କରିଦେବ । ଏକ ସ୍ବିସ୍ ଟ୍ରେନରେ କେହି ଜଣେ 190,000 ଡଲାର (ପ୍ରାୟ 14.48 କୋଟି ଟଙ୍କା) ସୁନା ଇଟା ଖଣ୍ଡ ଛାଡି ଚାଲିଯାଇଛନ୍ତି । ବର୍ତ୍ତମାନ ସୁଧା ଏତେ ଟଙ୍କାର ସୁନା ଅଧିକାର ପାଇଁ କେହି ଦାବିଦାର ଆସିନାହାଁନ୍ତି ।
ସ୍ବିଜରଲ୍ୟାଣ୍ଡର ଲୁସେରନ୍ ସହରର ଅଧିକାରୀମାନେ କହିଛନ୍ତି ଯେ, ଅକ୍ଟୋବରରେ ସହର ଉତ୍ତର ପ୍ରାନ୍ତରେ ଥିବା ସହର ସେଣ୍ଟ ଗାଲେନରୁ ଆସୁଥିବା ଏକ ଟ୍ରେନରେ 182,000 ସ୍ବିସ୍ ଫ୍ରାଙ୍କ ମୂଲ୍ୟର କିଛି ଖଣ୍ଡ ସୁନା ଥିବା ଦେଖିବାକୁ ମିଳିଥିଲା । ଏହାପରେ ଏହି ସୁନାର ମାଲିକଙ୍କୁ ଖୋଜିବାରେ ବର୍ତ୍ତମାନ ସୁଦ୍ଧା ସମସ୍ତ ଉଦ୍ୟମ ବିଫଳ ହୋଇଛି।
ଏକ ଖବର ଅନୁଯାୟୀ, ସୁନା ଟ୍ରେନରୁ ସୁନା ମିଳିବାର ନଅ ମାସ ମଧ୍ୟରେ ଏହି ସୁନାକୁ ଜଣେ ଦାବି କରିବା ପାଇଁ ଆସିଥିବା ଆଞ୍ଚଳିକ ପୋଲିସ ଅଧିକାରୀମାନେ ମଙ୍ଗଳବାର କହିଛନ୍ତି । ଟ୍ରେନରୁ ଉଦ୍ଧାର ହୋଇଥିବା ସୁନା ଉପରେ ଦାବିଦାରଙ୍କୁ ରିପୋର୍ଟ କରିବାକୁ ପାଞ୍ଚ ବର୍ଷ ସମୟ ଦିଆଯାଇଛି ।
ତିନି ବର୍ଷ ପୂର୍ବେ ଜେନେଭାରେ ମଧ୍ୟ ଏଭଳି ସମାନ ଧରଣର ଘଟଣା ଘଟିଥିଲା । ତିନୋଟି ରେଷ୍ଟୁରାଣ୍ଟ ଏବଂ ଏକ ବ୍ୟାଙ୍କର ଶୌଚାଳୟରୁ ରହସ୍ୟମୟ ଭାବରେ 500 ୟୁରୋ କଟା ନୋଟ୍ (ପ୍ରାୟ 600 ଡଲାର୍) ଉଦ୍ଧାର କରାଯାଇଥିଲା ।
