ମସ୍କୋ: ଋଷ ବିଜୟ ଦିବସ ଅବସରରେ ଆଗକୁ ପାଳନ ହେବାକୁ ଯାଉଛି ବିଜୟ ପ୍ୟାରେଡ । ଏନେଇ ବିଭିନ୍ନ ରାଷ୍ଟ୍ର ଓ ନେତାଙ୍କୁ ଆମନ୍ତ୍ରଣ କରାଯାଇଥିବା ବେଳେ ବର୍ତ୍ତମାନ ସୁଦ୍ଧା 12 ଜଣ ନେତା କାର୍ଯ୍ୟକ୍ରମରେ ଯୋଗ ଦେବା ନେଇ ସ୍ପଷ୍ଟ କରିଛନ୍ତି । ଏନେଇ ଶୁକ୍ରବାର ସୂଚନା ଦେଇଛନ୍ତି ଋଷ ବୈଦେଶିକ ମନ୍ତ୍ରୀ ସର୍ଜି ଲାଭ୍ରୋଭ । ସେ ଏହା ମଧ୍ୟ କହିଛନ୍ତି ଆମନ୍ତ୍ରିତ ହୋଇଥିବା ଅନେକ ରାଷ୍ଟ୍ର ଏଯାବତ୍ ନିଜ ଯୋଗ ଦେବ କଥା ବିଚାର କରିନାହାନ୍ତି ।
ପୂର୍ବରୁ ମେ’ 9ରେ ଏହି ପ୍ୟାରେଡ ହେବାର ଯୋଜନା ରହିଥିଲା । ହେଲେ କୋରୋନା ସ୍ଥିତିକୁ ନଜରରେ ରଖି ଏହାକୁ ଜୁନ 24କୁ ବଦଳାଇଥିଲେ ରାଷ୍ଟ୍ରପତି ପୁଟିନ । ଏହି ନୂଆ ଯୋଜନା ମୁତାବକ ବିଭିନ୍ନ ରାଷ୍ଟ୍ର ଓ ନେତାଙ୍କୁ ଆମନ୍ତ୍ରିତ କରାଯାଇଥିଲା । କୌଣସି ରାଷ୍ଟ୍ର ଏହି ନିମନ୍ତ୍ରଣକୁ ଖାରଜ ନକରିଥିଲେ ବି ଏଯାବତ୍ ମାତ୍ର 12ଜଣ ନେତା ଏଥିରେ ସାମିଲ ପାଇଁ ସହମତି ପ୍ରକାଶ କରିଛନ୍ତି । ଏହି 12 ଜଣଙ୍କ ମଧ୍ୟରୁ ଅଧିକାଂଶ ସିଆଇଏସ ବା କମନୱେଲଥ ଥିବା ସ୍ବାଧୀନ ରାଜ୍ୟର ମୁଖ୍ୟ ହୋଇଥିବା ଜଣାପଡିଛି ।
ସୂଚନା ମୁତାବକ ଗତ ମେ’ 26ରେ ରାଷ୍ଟ୍ରପତି ପୁଟିନ ପ୍ରତିରକ୍ଷା ମନ୍ତ୍ରୀ ସର୍ଜି ସୋଇଗୁଙ୍କ ସହ ଆଲୋଚନା କରି ଜୁନ 24କୁ ବିଜୟ ପ୍ୟାରେଡ ଘୁଞ୍ଚାଇବାକୁ ଘୋଷଣା କରିଥିଲେ । ଏଥିସହ ଏହାର ପ୍ରସ୍ତୁତ ମଧ୍ୟ ଆରମ୍ଭ କରିବାକୁ ନିର୍ଦ୍ଦେଶ ଦେଇଥିଲେ । ତେବେ ଏନେଇ ପଚରାଯିବାରୁ ପୁଟିନ କହିଥିଲେ କି କିମ୍ବଦନ୍ତୀ ଅନୁଯାୟୀ 1945, ଜୁନ 24ରେ ରେଡ ସ୍କୋୟାରଠାରେ ଏହି ଐତିହାସିକ ପ୍ୟାରେଡର ଆୟୋଜନ ହୋଇଥିଲା । ତେଣୁ ଚଳିତବର୍ଷ ମଧ୍ୟ ଏହି ତାରିଖରେ ପ୍ୟାରେଡ ପାଇଁ ତାରିଖ ଧାର୍ଯ୍ୟ କରାଯାଇଛି ।
@IANS
