ହଂକଂ: ସରକାରଙ୍କ ବିବାଦୀୟ ପ୍ରତ୍ୟାର୍ପଣ ବିଲ୍ ବିରୋଧରେ ହଂକଂରେ ଆଜି ବିକ୍ଷୋଭ କରାଯାଇଛି । ଦଶ ହଜାରରୁ ଅଧିକ ବିକ୍ଷୋଭକାରୀମାନେ ଏହି ବିଲକୁ ଖାରଜ କରାଯିବାକୁ ଗଣଆନ୍ଦୋଳନ କରିଛନ୍ତି । ଏହି ଆନ୍ଦୋଳନ ଶାନ୍ତିପୂର୍ଣ୍ଣ ଭାବେ କରାଯାଇଥିଲା ।
ଗୃହୀତ ହୋଇଥିବା ବିଲରେ ହଂକଂ ଅଧିବାସୀମାନଙ୍କୁ କମ୍ୟୁନିଷ୍ଟ ଚୀନ ଦ୍ବାରା ନିୟନ୍ତ୍ରିତ କୋର୍ଟରେ ବିଚାର କରାଯିବ ବୋଲି ଉଲ୍ଲେଖ ରହିଛି । ତେଣୁ ହଂକଂବାସୀ ଏହାକୁ ବିରୋଧ କରୁଛନ୍ତି ।
ହଂକଂ ‘ଗୋଟିଏ ଦେଶ ଦୁଇ ବ୍ୟବସ୍ଥା’ ନୀତିରେ ପରିଚାଳିତ । ଯଦି ଏହା ଚୀନ ଶାସନର ଅନ୍ତର୍ଗତ ହୁଏ ତେବେ ଏହାର ସ୍ବାଧୀନତା ରହିବ ନାହିଁ । ଏପରିକି ହଂକଂବାସୀଙ୍କ ବିକ୍ଷୋଭ କରିବାର ଅଧିକାର କି ମୁକ୍ତ ନ୍ୟାୟିକ ବ୍ୟବସ୍ଥା ରହିବ ନାହିଁ ।
