ହଂକଂ: ଏଲଏସିରେ ସଂଘର୍ଷ ମଧ୍ୟରେ ଚୀନକୁ ଲାଗିଛି ବଡ ଝଟକା । ହଂକଂରେ ଚୀନ ବିରୋଧୀ ନାରା ସହ ଉଡିଛି ଭାରତୀୟ ଜାତୀୟ ପତାତାକା ତ୍ରିରଙ୍ଗା । ଚୀନର ମନମୁଖୀ ଶାସନ ଯୋଗୁଁ ଡ୍ରାଗନ ବିରୋଧରେ ପ୍ରଦର୍ଶନ କରିଛନ୍ତି ହଂକଂ ନାଗରିକ ।
ଗୁରୁବାର ଚୀନ ରାଷ୍ଟ୍ରୀୟ ଦିବସ ଅବସରରେ ହଂକଂରେ ଗଣତନ୍ତ୍ରର ସମର୍ଥକ ପ୍ରଦର୍ଶନକାରୀ ତ୍ରିରଙ୍ଗା ଉଡାଇବା ସହ ଡ୍ରାଗନକୁ ବିରୋଧ କରିଛନ୍ତି । ଏହି ସମୟରେ ସେଠାରେ ଉପସ୍ଥିତ ଜଣେ ଚୀନ ସାମ୍ବାଦିକ ଫଟୋକୁ ନିଜ ଟ୍ବିଟର ଆକାଉଣ୍ଟରେ ସେୟାର କରିଛନ୍ତି, ଯାହାକି ଏବେ ବେଶ ଭାଇରାଲ ହେବାରେ ଲାଗିଛି ।
ଚୀନ ରାଷ୍ଟ୍ରୀୟ ଦିବସ ଅବସରରେ ହଂକଂ ନାଗାରିକ ଚୀନ ବିରୋଧରେ ଜୋରଦାର ପ୍ରଦର୍ଶନ କରିଥିଲେ । ପ୍ରଦର୍ଶନକାରୀ ନିଜ ଶରୀରରେ ତ୍ରିରଙ୍ଗା ଘୋଡାଇଥିବାର ଦେଖିବାକୁ ମିଳିଥିଲା । ତେବେ ଗଣମାଧ୍ୟକର୍ମୀ ଭାରତୀୟ ତ୍ରିରଙ୍ଗା ଉଡାଉଥିବା ପ୍ରଦର୍ଶନକାରୀଙ୍କୁ ଏହାର କାରଣ ପଚାରିଥିଲେ । ତେବେ ଏହାର ଜବାବବରେ ହଂକଂ ପ୍ରଦର୍ଶନକାରୀ କହିଛନ୍ତି, ଭାରତ ଚୀନ ବିରୋଧରେ ଲଢୁଛି । ଏଥିପାଇଁ ସେ ଆମର ବନ୍ଧୁ ।
