ବେଜିଂ: କୋରୋନା ବ୍ୟାପିବା ପଛରେ ଅନେକ ରାଷ୍ଟ୍ର ପ୍ରତ୍ୟେକ୍ଷ ଓ ପରୋକ୍ଷ ଭାବରେ ଚୀନକୁ ଦୋଷ ଦେଉଛନ୍ତି । ଏହା ପଛରେ ଅନେକ କାରଣ ଓ ଚୀନର ସନ୍ଦେହାତ୍ମକ କାର୍ଯ୍ୟକଳାପ ସାମିଲ ରହିଛି । ନିକଟରେ ଜାପାନର ଗଣମାଧ୍ୟମ ୟୋମିରି ଶିମ୍ବୁନ୍ ନିକଟରେ ଏକ ମନ୍ତବ୍ୟ ପ୍ରକାଶ କରି ଚୀନ ଉପରେ କୋରୋନା ମହାମାରୀ ବିସ୍ତାର କରିବା ଆରୋପ ଲଦିଛି ।
ଏହି ଘଟଣା ପରେ ଚୀନ୍ ବୈଦେଶିକ ମନ୍ତ୍ରଣାଳୟର ମୁଖପାତ୍ର ଚାଓ ଲିଚେନ୍ କହିଛନ୍ତି ଯେ ୟୋମିରି ଶିମ୍ବୁନ୍ଙ୍କ ଆର୍ଟିକିଲ୍ ତଥ୍ୟକୁ ଅଣଦେଖା କରିବା ସହ ଏହି ଅଭିଯୋଗକୁ ଦୁର୍ଭାଗ୍ୟପୂର୍ଣ୍ଣ କହିଛନ୍ତି ।
ଚୀନ୍ କହିଛି ଯେ ଏହି ଆର୍ଟିକିଲ ମାଧ୍ୟମରେ ଚୀନ୍ ପ୍ରତି ଅଜ୍ଞତା ଓ ଅହଂକାରରେ ପରିପୂର୍ଣ୍ଣତା ଦର୍ଶାଯାଇଛି । ଏହା ଅନ୍ତର୍ଜାତୀୟ ସମ୍ପ୍ରଦାୟରେ ଏବଂ ଜାପାନୀ ଲୋକଙ୍କ ମନରେ ଚୀନ୍ର ଏକ ଗୁରୁତର ବିଭ୍ରାନ୍ତିକର ଧାରଣା, ଯାହା ସାମ୍ବାଦିକତାର ବୃତ୍ତିଗତ ନିୟମ, ନୈତିକତା ଏବଂ ମୌଳିକତାକୁ ସମ୍ପୂର୍ଣ୍ଣରୂପେ ଉଲ୍ଲଂଘନ କରୁଛି ।
ଚୀନ୍ ମୁଖପାତ୍ର ଚାଓ ଲିଚିଆନ୍ କହିଛନ୍ତି ଯେ କୋଭିଡ -19 ମହାମାରୀକୁ ରୋକିବା ପାଇଁ ଚୀନ୍ ଏକ ବଡ଼ ବଳିଦାନ ଦେଇଛି । ଏହା ସମୟ ହାସଲ କରିଛି ଏବଂ ଅନ୍ୟ ଦେଶ ପାଇଁ ମହାମାରୀ ସହିତ ଲଢିବା ଅଭିଜ୍ଞତା ବାଣ୍ଟୁଛି |
@IANSଇନପୁଟ
