ଟୋକିଓ: ବିଶ୍ବବାସୀଙ୍କ ପାଇଁ ପ୍ରାଣଘାତକ ଓ ଚିନ୍ତାର କାରଣ ସାଜିଛି ମହାମାରୀ କୋରୋନା ଭାଇରସ । ଏହି ଭାଇରସର ପ୍ରସାରକୁ ଦୃଷ୍ଟିରେ ରଖି ଜାପାନ ପ୍ରଧାନମନ୍ତ୍ରୀ ସିଞ୍ଜୋ ଆବେ ଦେଶରେ ବିଶେଷ କରି ଟୋକିଓ ଏବଂ ଅନ୍ୟାନ୍ୟ ବଡ ବଡ ସହରକୁ ଜରୁରୀକାଳୀନ ପରିସ୍ଥିତି ଘୋଷଣା କରିବାକୁ ଯୋଜନା କରୁଛନ୍ତି । ସୋମବାର ଏକ ସରକାରୀ ସୂତ୍ରରୁ ଏହି ତଥ୍ୟ ପ୍ରକାଶ ପାଇଛି ।
ଏକ ନ୍ୟୁଜ ଏଜେନ୍ସିର କହିବାନୁସାରେ, ନିକଟରେ COVID-19 ମାମଲାରେ ଏକ ଘୋଷଣାନାମା ଘୋଷଣା କରିବାକୁ ଟୋକିଓ ଗଭର୍ଣ୍ଣର ୟୁରିକୋ କୋଇକେ ଏବଂ ଜାପାନ ମେଡିକାଲ ଆସୋସିଏସନ ଆବେଙ୍କ ଉପରକୁ ଚାପ ପକାଉଥିଲେ ।
ସ୍ୱାସ୍ଥ୍ୟ ସେବା ବିଶେଷଜ୍ଞଙ୍କ ସହ ଟୋକିଓ ମହାନଗର ନିଗମ ସରକାର କହିଛନ୍ତି ଯେ, ଖୁବ ଶୀଘ୍ର କୋରୋନା ଭାଇରସ୍ ସଂକ୍ରମିତଙ୍କ ପାଇଁ ଉପଲବ୍ଧ ଡାକ୍ତରଖାନାରେ ବେଡ ସଂଖ୍ୟା କ୍ଷମତାକୁ ଆସିବ । ଏଥିପାଇଁ ସ୍ୱାସ୍ଥ୍ୟ ମନ୍ତ୍ରଣାଳୟ ଯଥାସମ୍ଭବ ବେ଼ଡ ସୁରକ୍ଷିତ କରିବାକୁ ଚେଷ୍ଟା କରୁଛି ।
ସେହିପରି ଭାଇରସ ବିସ୍ତାରରେ ଏହାର ପ୍ରତିଷେଧକ ତଥା ପ୍ରତିଷେଧକ ବ୍ୟବସ୍ଥାକୁ ସୁଦୃଢ କରିବା ପାଇଁ ସରକାରଙ୍କ ଉପରେ ଚାପ ପ୍ରୟୋଗ କରାଯାଉଛି । ନିକଟରେ ସରକାରୀ ବିଶେଷଜ୍ଞଙ୍କ ଏକ ପ୍ୟାନେଲ୍ ଚେତାବନୀ ଦେଇଛି ଯେ, ଯଦି ଦେଶରେ କୋରୋନା ଭାଇରସ୍ ମାମଲା ଦୀର୍ଘ ସମୟ ଧରି ଜାରି ରହିବ ତେବେ ଦେଶର ସ୍ୱାସ୍ଥ୍ୟସେବା ନଷ୍ଟ ହୋଇଯିବ ।
ଟୋକିଓ ଏବଂ ଅନ୍ୟାନ୍ୟ ଚାରିଟି ପ୍ରିଫେକ୍ଚରରେ ସ୍ୱାସ୍ଥ୍ୟସେବା ବୃଦ୍ଧି ପାଉଛି ଏବଂ ଖୁବଶୀଘ୍ର କଠୋର ପଦକ୍ଷେପ ଗ୍ରହଣ କରାଯିବା ଆବଶ୍ୟକ ବୋଲି ବିଶେଷଜ୍ଞମାନେ କହିଛନ୍ତି ।
ରବିବାର ସୁଦ୍ଧା ଟୋକିଓରେ କୋଭିଡ-19ର 143ଟି ନୂଆ ମାମଲା ରେକର୍ଡ ହୋଇଥିବା ବେଳେ ସୋମବାର ଆକ୍ରାନ୍ତଙ୍କ ସଂଖ୍ୟା 3654ରେ ପହଞ୍ଚିଛି ।
@ANI
